- PM મોદીએ આસામના CM સાથે કરી વાતચીત
- સવારે 6 વાગે બંને વચ્ચે થઈ ટેલિફોનિક વાતચીત
- પૂરમાં કેન્દ્રની મદદનું PM મોદીએ આપ્યું આશ્વાસન
પીએમ મોદીએ આસામના CMને કર્યો ફોન
પ્રધાનમંત્રી નરેન્દ્ર મોદી આજે પાવાગઢ અને વડોદરામાં વિકાસકામોની ભેટ આપવાના છે ત્યારે વહેલી સવારે તેઓ માતા હીરાબાના આશીર્વાદ લેવા પહોંચ્યા હતા, જોકે માતાના આશીર્વાદ લેવા જાય તે પહેલા પણ પ્રધાનમંત્રી મોદીએ પોતાના પદના કર્તવ્યનું પાલન કર્યું હતું. તેમણે આસામમાં પૂરના કારણે પીડાઈ રહેલ જનતાની ચિંતા કરી.
આસામમાં પૂરના કારણે પરિસ્થિતિ ખરાબ
આસામના મુખ્યમંત્રીએ ટ્વિટ કરીને જાણકારી આપતા કહ્યું કે આજે સવારે 6 વાગે પ્રધાનમંત્રી મોદીએ મને ફોન કરીને રાજ્યમાં પૂરની સ્થિતિને લઈને જાણકારી મેળવી છે અને લોકો માટે ચિંતા વ્યક્ત કરી છે. આ સાથે જ તેમણે અમને કેન્દ્ર તરફથી બનતી મદદ કરવાનું આશ્વાસન આપ્યું છે.
હીરાબાના 100માં જન્મદિવસે PM મોદીએ તેમના પગ ધોઈને કરી ચરણવંદના
પ્રધાનમંત્રી નરેન્દ્ર મોદી વડોદરામાં વિકાસ કામો તથા પાવાગઢમાં નવનિર્મિત મંદિરમાં ધજારોહણ માટે ગુજરાત પ્રવાસે છે ત્યારે શનિવારે વહેલી સવારે તેઓ ગાંધીનગર ખાતે માતા હીરાબાને મળવા પહોંચ્યા હતા.મહત્વનું છે કે, આજે હિરાબાનો 100મો જન્મદિવસ છે. ત્યારે PM મોદી ગાંધીનગરના રાયસણ સ્થિત ઘરે આશીર્વાદ લેવા પહોંચ્યા સવારે 6.30 કલાકે હતાં. જ્યાં તેમણે અડધો કલાકથી વધારે સમય પોતાની માતા સાથે ગાળ્યો હતો. PM મોદી પોતાની માતા માટે ખાસ ભેટ લઈને પહોંચ્યા હતા.PM મોદીએ માતા હીરાબાને શીરો ખવડાવી જન્મદિવસની શુભકામનાઓ પાઠવી હતી.
