PM કિસાન યોજના / 10 કરોડ લોકોના ખાતામાં મોદી સરકારે પહોંચાડ્યા 2000 રૂપિયા, જાણો તમારા ખાતાનું સ્ટેટસ આ પ્રમાણે

આવી સ્થિતિમાં હજુ 1.3 કરોડ ખેડૂત છે જેમના નાણાં હજુ સુધી ખાતામાં પહોંચ્યા નથી. PM નરેન્દ્ર મોદીએ તાજેતરમાં જ PM કિસાન યોજનાનો છઠ્ઠો હપ્તો બહાર પાડ્યો છે. આ યોજના અંતર્ગત વાર્ષિક 6,000 રૂપિયા ત્રણ હપ્તામાં ખેડૂતોના ખાતામાં ટ્રાન્સફર કરવામાં આવે છે. જો તમે આ યોજનાના લાભાર્થી છો તો પછી તમે ખૂબ જ સરળતાથી ચકાસી શકો છો કે છઠ્ઠો હપ્તો તમારા ખાતામાં આવ્યો છે કે નહીં.

• સૌ પ્રથમ તમારે PM કિસાન યોજના વેબસાઇટ https://pmkisan.gov.in/ ની મુલાકાત લેવી પડશે. અહીં તમારે જમણી બાજુએ Farmers Cornerમાં Beneficiary Status પર ક્લિક કરવું પડશે.

• નવું પેજ ખુલ્યા પછી તમારી પાસે ત્રણ વિકલ્પો હશે. તમે યોજનામાં આધાર કાર્ડ નંબર, એકાઉન્ટ નંબર અથવા નોંધાયેલ મોબાઇલ નંબર દાખલ કરીને તમારું સ્ટેટસ જાણી શકો છો.

• બેંક એકાઉન્ટ નંબર, આધાર અથવા મોબાઇલ નંબર દાખલ કર્યા પછી, Get Data પર ક્લિક કરો. હપ્તાની માહિતી તમારી સામે આવી જશે.
• જો સ્ક્રીન પર '‘FTO is generated and Payment confirmation is pending' એવો સંદેશ આવે છે, તો તેનો અર્થ એ છે કે તમારા એકાઉન્ટમાં હપ્તા ટ્રાન્સફરની પ્રક્રિયા ચાલુ છે અને પૈસા તમારા ખાતામાં પહોંચી જશે.
• જો તમારા રજિસ્ટ્રેશનમાં કોઈ ખામી હશે અથવા આધારકાર્ડ લિંક ન થવાથી આવું થયું છે તો તેનો ઉલ્લેખ પણ કરવામાં આવશે. 
• એટલું જ નહીં જો તમે કિસાન યોજના હેઠળ રજીસ્ટ્રેશન નથી કરાવ્યું તો તમે સહેલાઈથી કરી શકશો. આ માટે New Farmer Registration ઉપર ક્લિક કરવું પડશે અને આગળની પ્રક્રિયાનું પાલન કરવું પડશે. નોંધનીય છે કે આ સ્કીમ હેઠળ કેન્દ્ર સરકાર 14 કરોડ ખેડૂતોને જોડવાનું લક્ષ્ય રાખ્યું છે.