Holi 2023 / આ રંગોથી હોળી રમશો તો ઘરે પધારશે લક્ષ્મીજી, આવકમાં વૃદ્ધિની સાથે થશે સુખ સમૃદ્ધિમાં વધારો

• હોળીમાં રંગોનું પણ હોય છે મહત્વ
• ચોક્કસ રંગોથી હોળી રમવાથી મળી શકે છે લાભ
• આવકનાં સ્ત્રોતનાં આધારે નક્કી થાય છે રંગ

જાણકારો કહે છે કે હોળી રમતાં સમયે જો વિશિષ્ટ રંગોનો ઉપયોગ કરવામાં આવે તો ઘરમાં સુખ સમૃદ્ધિ આવે છે. વ્યવસાય, નોકરી કે આવકનાં સ્ત્રોતનાં આધાર પણ પણ રંગોને નક્કી કરી શકાય છે.

લાલ રંગ
લાલ રંગ ભૂમિપુત્ર મંગળનો રંગ કહેવાય છે તેથી ભૂમિ સાથે સંબંધિત કાર્ય કરનારાં બિલ્ડર્સ, પ્રોપર્ટી ડીલર્સ, ઈન્જીનિયર્સ વગેરેએ લાલ રંગની હોળી રમવી જોઈએ.

લીલો રંગ
લીલો રંગ બુધ ગ્રહનું પ્રતિનિધિત્વ કરે છે. વેપારી, શિક્ષક, વકીલ, વિદ્યાર્થી, લેખક, કમ્પ્યૂટર સોફ્ટવેર અને હાર્ડવેર એન્જીન્યરો માટે લીલા રંગથી હોળી રમવું સારું રહે છે. તે તમને સફળતા અપાવવામાં મદદરૂપ બને છે.

પીળો રંગ
પીળો રંગ ગુરુનું પ્રતિનિધિત્વ કરે છે અને ગુરુ સોનું, ચાંદી, અન્ન સાથે સંબંધિત વ્યાપારનાં આર્થિક પક્ષોને પ્રભાવિત કરે છે. તેથી આ કામો સાથે સંકળાયેલા લોકોએ પીળા રંગથી હોળી રમવી જોઈએ.

બ્લૂ રંગ
બ્લૂ કલર શનિ ગ્રહનું પ્રતિનિધિત્વ કરે છે. અભિનેતા, કલાકાર, કમ્પ્યૂટર વ્યવસાઈ, પ્લાસ્ટિક, ઓઈલપેઈન્ટ, લોખંડનાં વેપારી તેમજ રાજનીતિજ્ઞોએ પણ આ રંગથી હોળી રમવી જોઈએ, તેનાથી તમે નવી ઊંચાઈઓ સુધી પહોંચી શકશો.