કોરોના વાયરસ મહામારી પછી કેન્દ્ર સરકારે કર્મચારીઓને પ્રોવિડન્ટ ફંડ EPFમાંથી એડવાન્સ પૈસા ઉપાડવાની છૂટ આપી હતી. જોકે, સરકારે આ છૂટ એક નિશ્ચિત સમય સુધી જ એટલે કે લોકડાઉન અને તેના પછી પૈસાની કમીથી પરેશાન લોકોની મુશ્કેલી દૂર કરવા માટે આપી હતી. કેન્દ્ર સરકાર દ્વારા નિયમોમાં છૂટ આપ્યા બાદ EPFOના કાર્યક્ષેત્ર હેઠળ આવતા તમામ કર્મચારીઓએ તેનો પણ લીધો.
પીએફ ધારકો માટે સારા સમાચાર
હવે આ રીતે ઉપાડી શકો છો પૈસા
આ સરળ પ્રોસેસ કરો ફોલો
EPFO દ્વારા જાહેર કરાયેલા આંકડા જોઈને ખબર પડે છે માર્ચના અંતિમ સપ્તાહથી કર્મચારી ભવિષ્ય નિધિથી 38,71,664 લોકોએ 44,054,72 કરોડ રૂપિયા ઉપાડી લીધા છે. શ્રમ મંત્રી સંતોષ ગંગવારે જણાવ્યું કે આ વિડ્રોઅલમાં કોવિડ 19થી સંબંધિત ક્લેમ પણ સામેલ છે. મહારાષ્ટ્રમાં જ 25 માર્ચથી લઇને 31 ઓગસ્ટ પછી 7,24,986 કર્મચારીઓએ લગભગ 8,968.45 કરોડ રૂપિયા વિડ્રો કરાવ્યા છે.
હવે 1 સપ્ટેમ્બર પછીથી પીએફ એકાઉન્ટમાંથી એકવાન્સ રકમ ઉપાડવાની છૂટ ખતમ કરી દેવાઈ છે. એવામાં આ સ્કીમ હેઠળ તમે પીએફ એકાઉન્ટમાંથી પૈસા નહીં ઉપાડી શકો. પણ કર્મચારીઓ પાસે હજી પણ પોતાના પીએફ એકાઉન્ટથી પૈસા ઉપાડવાનો વિકલ્પ છે. ચાલો જાણીએ.
કર્મચારી ભવિષ્ય નિધીમાંથી પૈસા ઉપાડવા માટે સૌથી પહેલા EPFOની ઓફિશિયલ વેબસાઇટ પર જઇને લોગઈન કરો. તમારા UAN અને પાસવર્ડની મદદથી તેમાં લોગઈન કરો. યાદ રાખો તમારું પીએફ એકાઉન્ટ આધારથી લિંક હોવું જોઇએ.
આ પોર્ટલ પર લોગઈન કર્યા બાદ Online Service પર ક્લિક કરો અને Claim (Form 31, 19 & 10C)ને સિલેક્ટ કરો.
પછી તમારો બેંક એકાઉન્ટ નંબર નાખીને Verify પર ક્લિક કરો. તે પછી Yes પર ક્લિક કરો. હવે Proceed for online claim પર ક્લિક કરો.
ફંડ ઓનલાઇન ઉપાડવા માટે PF Advance (Form 31) પસંદ કરો. હવે તમારે જણાવવું પડશે કે કેમ તમે આ રકમ ઉપાડવા માંગો છો. કારણ બતાવવા અને કર્મચારીનું એડ્રેસ ભરી અરજી કરો.
પૈસા ઉપાડવા માટે જે કારણ જણાવ્યું છે તેનાથી જોડાયેલા ડોક્યુમેન્ટ્સની સ્કેન કોપી સબમિટ કરો. EPF એકાઉન્ટથી પૈસા નીકાળવા માટે તમારા એમ્પ્લોયર કે કંપનીથી મંજૂરી પણ લેવી પડશે.
આ પછી તમારા પૈસા બેંક એકાઉન્ટમાં જમા થઇ જશે. આ વિશે તમારે રજિસ્ટર્ડ મોબાઇલ નંબર પર એક મેસેજ આવશે. બેંક એકાઉન્ટમાં પૈસા જમા થવાના એક નિશ્ચિત સમય લાગે છે.