બોલિવુડમાં મોટાભાગના સ્ટાર કિડ્સ રોમેન્ટિક ફિલ્મોથી ડેબ્યૂ કરે છે. આ લિસ્ટમાં વધુ એક નામ જોડાઇ ગયુ છે અને તે છે ધમેન્દ્રનો પૌત્ર અને સની દેઓલનો દિકરો કરણ દેઓલ. ફિલ્મના ડિરેક્શનથી સની દેઓલે ડિરેક્ટર તરીકે બોલિવુડમાં ડેબ્યૂ કર્યુ. જોકે ગુરુવારે આ ફિલ્મનું ખાસ સ્ક્રીનિંગ રાખવામાં આવ્યુ છે.
સની દેઓલના દિકરા અને ધર્મેન્દ્રના પૌત્ર કરણ દેઓલની ડેબ્યૂ ફિલ્મ 'પલ પલ દિલ કે પાસ' આજે રિલીઝ થઇ ગઇ છે. ફિલ્મની રિલીઝ પહેલા ગુરુવારે ફિલ્મનું ખાસ સ્ક્રીનિંગ રાખવામાં આવ્યુ હતુ, જેમાં ઘણા સ્ટાર્સ આવ્યા અને તેમના ફોટોઝ સોશ્યલ મીડિયા પર વાયરલ થયા.
આ સ્ક્રીનિંગમાં ધમેન્દ્ર, સની અને બોબી દેઓલે નહીં પરંતુ દેઓલ પરિવારની વહુઓએ ધ્યાન આકર્ષિત કર્યુ હતુ. જોકે, સૌથી નવાઇની વાત હતી કે સની દેઓલની પત્ની પૂજા વર્ષો પછી લાઇમ-લાઇટમાં જોવા મળી હતી. આ સિવાય ધમેન્દ્રના પત્ની પ્રકાશ કૌર પણ જોવા મળ્યા હતા.
ઉલ્લેખનીય છે કે, પ્રકાશ કૌર તથા પૂજા ક્યારેય પબ્લિક ઇવેન્ટ્સમાં જોવા મળતા નથી. જોકે આ વખત પોતાના દિકરા અને પૌત્રાની ડેબ્યૂ ફિલ્મના સ્ક્રીનિંગ હોવાથી તેઓ હાજર રહ્યા હતા. પૂજા દેઓલ બ્લેક ટોપ અને બ્લૂ જીન્સમાં હતા, જ્યારે ધમેન્દ્રના પત્ની પ્રકાશ કૌર પ્રિન્ટેડ ડ્રેસમાં જોવા મળ્યા હતા.
નોંધનીય છે કે, 'પલ પલ દિલ કે પાસ' થી કરણ દેઓલે બોલિવુડમાં ડેબ્યૂ કર્યુ, જ્યારે સની દેઓલે ફિલ્મ ડિરેક્ટ કરીને ડિરેક્શનમાં ડેબ્યૂ કર્યુ. આ ફિલ્મમાં કરણ દેઓલની સાથે સાથે સહર બાબાં જોવા મળશે.
તમામ ફોટોઝ યોગેન શાહના સોશ્યલ મીડિયા એકાઉન્ટ પરથી લેવામાં આવ્યા છે.