- બાબર T20 ઈન્ટરનેશનલમાં 3000 રન બનાવનાર પહેલા પાકિસ્તાની ક્રિકેટર
- બાબર આઝમે કરી કોહલીના રેકોર્ડની બરાબરી
પાકિસ્તાન ક્રિકેટ ટીમના કેપ્ટન બાબર આઝમે ઈતિહાસ રચતાં એક મોટા રેકોર્ડની બરાબરી કરી લીધી છે. આ સાથે જ પાકિસ્તાન ક્રિકેટ ટીમના કેપ્ટન બાબરે એવો રેકોર્ડ બનાવ્યો છે જે અત્યાર સુધી કોઈ પાકિસ્તાની ક્રિકેટર નથી બનાવી શક્યો. જણાવી દઈએ કે બાબર આઝમ વિરાટ કોહલી અને રોહિત શર્માના ક્લબમાં સામેલ થઈ ગયો છે. બાબર આઝમે તેની T20 આંતરરાષ્ટ્રીય કારકિર્દીમાં 3 હજાર રન પૂરા કર્યા છે અને બાબર T20 ઈન્ટરનેશનલમાં 3000 રન બનાવનાર પહેલા પાકિસ્તાની ક્રિકેટર પણ બની ગયા છે.
બાબર આઝમે કરી કોહલીના રેકોર્ડની બરાબરી
જણાવી દઈએ કે બાબર આઝમે T20 ઈન્ટરનેશનલની 81મી ઈનિંગમાં ત્રણ હજાર રન પૂરા કર્યા અને આ સાથે જ બાબરે આ ફોર્મેટમાં સૌથી ઝડપી ત્રણ હજાર રન બનાવવાની રેસમાં વિરાટ કોહલીની બરાબરી કરી લીધી છે. ભારતીય ટીમના પૂર્વ કેપ્ટન વિરાટ કોહલીએ પણ 81 ઇનિંગ્સમાં આ સિદ્ધિ મેળવી હતી.
T20 ઇન્ટરનેશનલમાં સૌથી ઝડપી 3000 રન બનાવનાર ખેલાડી
વિરાટ કોહલી - 81 ઇનિંગ્સ
બાબર આઝમ - 81 ઇનિંગ્સ
માર્ટિન ગુપ્ટિલ - 101 ઇનિંગ્સ
રોહિત શર્મા - 108 ઇનિંગ્સ
પોલ સ્ટર્લિંગ - 113 ઇનિંગ્સ
ઈંગ્લેન્ડ સામેની મેચમાં મેળવી આ સિદ્ધિ
હાલ પાકિસ્તાનની ટીમ ઈંગ્લેન્ડ સામે તેમના ઘરે 7 ટી-20 મેચોની શ્રેણી રમી રહી છે અને તેની અત્યાર સુધી 6 મેચ રમાઈ ચૂકી છે. શુક્રવારે છઠ્ઠી મેચ રમાઈ હતી જેમાં પાકિસ્તાન ક્રિકેટ ટીમના કેપ્ટન બાબર આઝમે આ સિદ્ધિ મેળવી હતી.
T20 ઇન્ટરનેશનલમાં સૌથી વધુ રન બનાવનાર
રોહિત શર્મા - 140 મેચ - 3694 રન
વિરાટ કોહલી - 108 મેચ - 3663 રન
માર્ટિન ગુપ્ટિલ - 121 મેચ - 3497 રન
બાબર આઝમ - 86 મેચ - 3035 રન
પોલ સ્ટર્લિંગ - 114 મેચ - 3011 રન
