ભારતીયોની માનવતા! / પાકિસ્તાની મહિલાને ભારતની જેલમાં દીકરી થઈ, પતિએ તો છોડી દીધી, આખરે વતન જવા માટે અહીંના લોકોએ કરી મદદ

• ભારતની જેલમાં હતી પાકિસ્તાની મહીલા 
• જેલમાં થઇ દીકરી, હવે ચાર વર્ષની થઈ 
• ભારતીયોની એક લાખની મદદથી પાકિસ્તાન પરત જશે મહીલા

પાકિસ્તાની મૂળની એક મહિલાને ભારતીય જેલમાં ચાર વર્ષ પસાર કરી છેવટે પાકિસ્તાને તેના દેશમાં બોલાવવા માટે તૈયારી કરી લીધી છે. 

સુમાયરા નામની આ મહિલા 4 વર્ષ સુધી જેલમાં રહ્યા બાદ અત્યાર સુધી ડિટેન્શન સેન્ટરમાં તેની ચાર વર્ષની દીકરી સાથે રહે છે. 

પાકિસ્તાનની સીટીઝનશીપ મળી 
પાકિસ્તાન સરકારે મહિલા માટે સીટીઝનશીપ સર્ટિફિકેટ ઈશ્યું કરવામાં આવ્યું છે, જેથી મહિલાને પાકિસ્તાન જવા માટે માર્ગ મોકળો બની શકે.આ અગાઉ મુસ્લિમ લીગ-નવાજ (PML-N)ના સાંસદ ઈરફાન સિદ્દીકીએ સોમવારે પાકિસ્તાની મૂળના સુમાયરાનો મુદ્દો સંસદમાં રજૂ કર્યો હતો.

રાષ્ટ્રીય ડેટાબેઝ અને નિયામક પ્રાધિકરણની મદદથી સુમાયરા પાકિસ્તાનમાં રહેતા પરિવારની ખરાઈ કરવામાં આવી છે. પાકિસ્તાનના અખબાર ડોનના એક અહેવાલ પ્રમાણે પાકિસ્તાનના ગૃહમંત્રી શેખ રશિદ અહેમદે ગુરુવારે જાહેરાત કરી હતી કે તેમનું મંત્રાલય સમાયરા માટે નાગરિકતા પ્રમાણ પત્ર ઈશ્યુ કર્યું છે. 

ચાર વર્ષની દીકરી સાથે પાકિસ્તાન જશે
મંત્રી શેખ રશિદ અહેમદે કહ્યું હતું કે પ્રમાણપત્ર વિદેશ મંત્રાલયને મોકલી આપવામાં આવ્યું છે, હવે અહીં નવી દિલ્હીમાં પાકિસ્તાનના હાઈકમિશન તેને એક ટ્રાવેલ ડોક્યુમેન્ટ ઇશ્યૂ કરશે, જેથી તેને પોતાની ચાર વર્ષની દીકરી સાથે પાકિસ્તાન પરત ફરવા માટે મંજૂરી મળી શકશે.

ભારત કેવી રીતે આવી ગઈ સુમાયરા?
એક સમાચાર પ્રમાણે સુમાયરાનો પરિવાર પાકિસ્તાનની નાગરિકતા ધરાવતો અને કતારમાં રહેતો હતો. સુમાયરા અહીં એક ભારતીય પુરુષના સંપર્કમાં આવી હતી અને લગ્ન કરી લીધા હતા. લગ્ન બાદ પતિ સુમાયરાને વિઝા વગર જ ભારત લઈને આવ્યો હતો.

ભારતમાં થઈ ધરપકડ 

ત્યાર બાદ સુમાયરાની ગેર-કાયદેસર રીતે ભારતમાં રહેવાને લીધે ધરપકડક કરી લેવામાં આવી હતી. સુમાયરાને ત્રણ વર્ષની જેલની સજા કરવામાં આવી હતી. બે મહિના બાદ તેણે જેલમાં જ એક બાળકીને જન્મ આપ્યો હતો. પણ આવાં કપરા સમયે તેનો પતિ સુમાયરાને છોડી જતો રહ્યો હતો.

ભારતીય લોકોએ કરી એક લાખની મદદ 

ત્રણ વર્ષ બાદ જેલમાંથી મુક્ત થઈ સુમાયરા છેલ્લા એક વર્ષથી તેની દીકરી સાથે બેંગ્લુરુના એક ડિટેન્શન સેન્ટરમાં રહે છે.

આ મહિલાની મદદ બેંગલુરુના લોકોએ એક લાખ રૂપિયા એકઠા કરી સુમાયરાને મદદ કરી હતી. 
સુમાયરાનું ભારતમાં કોઈ જ ન હતું કે જે તેને દંડની રકમ રૂપિયા એક લાખ ભરી તેને જેલમાંથી મુક્ત કરાવે, ત્યારે બેંગલુરુના લોકોએ સુમાયરા માટે રૂપિયા એક લાખ ભંડોળ એકત્રિત કર્યું અને તેના દંડની રકમ ભરી આપી. 

પાકિસ્તાનની સંસદમાં મુદ્દો ચર્ચાયો

આ મુદ્દાને સંસદમાં રજૂ કરતા સાંસદ ઈરફાન સિદ્દીકીએ સંસદમાં કહ્યું કે ભારતના મુસ્કાન (કર્ણાટક હિજાબ વિવાદથી ચર્ચામાં આવેલી કોલેજની વિદ્યાર્થીની)ની ચર્ચા થઈ રહી છે, પણ પાકિસ્તાનની દીકરી સુમાયરા માટે કંઈ જ થઈ રહ્યું નથી. 

આ મુદ્દે જલ્દીથી કંઈક કરવું જોઈએ. તેમણે કહ્યું કે તે ચાર વર્ષ સુધી જેલમાં રહી હતી. તેને બચાવવા માટે કોઈ આવ્યું નહીં. બેંગલુરુના લોકોએ તેને જેલમાંથી મુક્ત કરાવવા માટે રૂપિયા એક લાખ એકત્રિત કરી આપ્યા અને દંડની રકમ જમા કરવી પણ દિલ્હીમાં આપણું પાકિસ્તાની દૂતાવાસ ટુ ઉંઘતુ જ રહ્યું હતું.