- અમેરિકામાં રહેતા ભારતીયોની મુશ્કેલીમાં વધારો
- લાખો ભારતીયો ગ્રીન કાર્ડની રાહ જોઈ રહ્યાં છે
- 4 લાખ ભારતીયોની બેકલૉગ ક્લિયર થવામાં 134 વર્ષ લાગી શકે છે
અમેરિકામાં લાખો એવા ભારતીયો છે જે ગ્રીન કાર્ડ મળવાની રાહ જોઈ રહ્યાં છે. તેવામાં એક સ્ટડીએ ખુલાસો કર્યો છે કે UAEમાં ગ્રીન કાર્ડ મળવાની રાહમાં 4 લાખથી વધારે ભારતીયોનું મૃત્યુ થઈ જશે. આવું એટલા માટે કારણકે ગ્રીન કાર્ડ માટે અરજી કરનારાઓની સંખ્યા એટલી વધારે છે કે પ્રશાસનની પાસે બેકલૉગની લિસ્ટ લાંબી થઈ ગઈ છે. માહિતી અનુસાર 11 લાખથી વધારે અરજીઓ હજુ પણ પેન્ડિંગ છે.
ગ્રીન કાર્ડ અમેરિકી ઈમિગ્રેન્ટ્સને દેશમાં સ્થાયી નિવાસ પ્રદાન કરતું એક દસ્તાવેજ છે. અમેરિકા સ્થિત થિંક ટેંક કેટો ઈંસ્ટીટ્યૂટે પોતાની એક રિપોર્ટમાં કહ્યું કે દેશમાં લંબિત કુલ 18 લાખ રોજગાર આધારિત ગ્રીન કાર્ડ અરજીઓમાંથી 63% ભારતીયો છે. આ બેકલૉગ ફેમિલી સ્પોન્સર્ડ સિસ્ટમ પ્રણાલીથી 83 લાખ લંબિત અરજીઓને જોડે છે.
બેકલૉગ ક્લિયર થવામાં 134 વર્ષ લાગશે
રિપોર્ટ અનુસાર ભારતનાં નવા અરજદારો માટે બેકલૉગ ક્લિયર થવામાં 134 વર્ષોથી વધારેનો સમય લાગશે તેવામાં ત્યાં રહેવું એ આજીવન કારાવાસ સમાન છે. રિપોર્ટ અનુસાર લગભગ 4,24,000 રોજગાર આધારિત અરજદારો રાહ જોતાં-જોતાં મૃત્યુ પામશે અને તેમાંથી 90%થી વધારે ભારતીયો હશે.
USAમાં રહેતાં ભારતીયો માટે મુશ્કેલી
અમેરિકા STM ભૂમિકાઓ માટે મોટી સંખ્યામાં ભારતીયો અને ચીનીઓને રોજગારી આપે છે. તેવામાં વર્ષમાં માત્ર 7% વ્યક્તિઓને જ રોજગાર આધારિત ગ્રીન કાર્ડ પ્રતિ દેશ મળી શકે છે. આ જ કારણોસર USAમાં રહેતાં ભારતીયો માટે મુશ્કેલી બની શકે છે. વધુ ગંભીર વાત તો એ છે કે આ લિસ્ટમાં ઉચ્ચ કૌશલ્ય ધરાવતાં STM પેશાવરો,US શિક્ષિત સ્નાતકો સહિત ઉચ્ચ ડિગ્રી ધારકો અમેરિકી વ્યવાસાયોમાંનાં અડધાથી વધારે કર્મચારીઓનો બેકલૉગ છે.
