પ્લાનિંગ / આવું સ્કૂટર પેલા ક્યારેય નહીં જોયું હોય! OPPO કરશે લોન્ચ, કિંમત અને ફિચર્સ જાણી ખરીદવાનું મન થઈ જશે

• OPPO હવે નવા સેક્ટરમાં પોતાનું નસીબ અજમાવશે
• ઈલેક્ટ્રીક સ્કૂટરનું પ્લાનિંગ અત્યારે પ્રારંભિક તબક્કામાં
• આ ઈલેક્ટ્રીક સ્કૂટરની કિંમત આશરે 60 હજાર રૂપિયા રખાશે

ઈલેક્ટ્રીક સ્કૂટરના લોન્ચિંગની સમયસીમા અનિશ્ચિત

ઓપ્પો કથિત રીતે 2023 અને 2024માં ભારતમાં OPPO EV ઈલેક્ટ્રીક સ્કૂટરને લોન્ચ કરવાનું પ્લાનિંગ કરી રહી છે. 91mobilesની રિપોર્ટ મુજબ, ટિપસ્ટર યોગેશ બરાડે OPPO EV અંગે માહિતી શેર કરી છે. તેમના જણાવ્યાં મુજબ, ઈલેક્ટ્રીક સ્કૂટરનું પ્લાનિંગ અત્યારે પ્રારંભિક તબક્કામાં છે. જેનો અર્થ છે કે લોન્ચની સમયસીમા અત્યારે અનિશ્ચિત છે. બની શકે છે કે લોન્ચિંગને થોડું આગળ વધારી શકાય છે.

ઈલેક્ટ્રીક સ્કૂટરની કિંમત આવી સામે

ટિપ્સટરે OPPO EV ઈલેક્ટ્રીક સ્કૂટરની કિંમતની વાત કરી છે. તેમના જણાવ્યાં મુજબ, ઓપ્પો પોતાના આ ઈલેક્ટ્રીક સ્કૂટરની કિંમત આશરે 60 હજાર રૂપિયા રાખશે. ઉલ્લેખનીય છે કે, હાલના સમયમાં મોટાભાગના સ્કૂટરોની કિંમત સરેરાશ લાખ રૂપિયા છે. એવામાં આ ઈલેક્ટ્રી સ્કૂટર ધૂમ મચાવશે.

OPPO કરી રહ્યું છે પ્લાનિંગ 

કંપનીએ સ્પષ્ટ રીતે બેટરી અને અન્ય પાર્ટસ માટે મેન્યુફૈક્ચરર સાથે વાતચીત શરૂ કરી છે. તેમાંથી અમુક કંપનીઓ ટેસ્લા જેવા બ્રાન્ડને પણ પુરવઠો પૂરો પાડે છે. તાજેતરમાં એવુ જાણવા મળ્યું હતુ કે ઓપ્પોએ 2018માં અન્ય બીબીકે ઈલેક્ટ્રોનિક્સ સહાયક રિયલમી, વન પ્લસ અને વિવોની સાથે-સાથે અલગ-અલગ ઈલેક્ટ્રોનિક વાહનો માટે ટ્રેડમાર્ક માટે અરજી કરી હતી. જેનો અર્થ એવો થાય છે કે કંપની ઘણી ચીની ટેકનિકલ કંપનીઓમાં પ્રથમ હોઈ શકે છે, જે ભારતીય ઈવી સ્પેસમાં પ્રવેશ કરવા માંગે છે.

કાર પણ કરી શકે છે લોન્ચ

આ સિવાય કંપની ટાટા નેનો જેવી કોમ્પેક્ટ કાર પર પણ કામ કરી રહી છે. ઉલ્લેખનીય છે કે, ટાટા નેનો ઓછી કિંમતે કાર તરીકે લોન્ચ કરવામાં આવી હતી અને જો ઓપ્પો હકીકતમાં આ કારને કોમ્પેક્ટ બનાવે છે તો તે કદાચ તેને વધુ સારી બનાવશે. આ વાત પરથી એવુ જાણવા મળે છે કે ઓપ્પો ઈલેક્ટ્રીક કાર અને સ્કૂટર બંનેને મુખ્ય રીતે ઈન્ટ્રાસિટી કમ્યૂટ માટે ડિઝાઈન કરી રહ્યું છે.