તમારા કામનું / હવે ઘરેબેઠા ફક્ત 2 મિનિટમાં ખોલાવો FD, મળશે વધુ વ્યાજ, જાણો સ્ટેપ ટૂ સ્ટેપ પ્રોસેસ

• Google pay લાવ્યું છે નવું ફિચર
• 2 મિનિટમાં ખોલો FD
• આ બેન્ક સાથે કર્યા કરાર

કોરોના મહામારી વચ્ચે આપણા દેશમાં ડિજિટલ પેમેન્ટનો ઉપયોગ ખુબ વધી રહ્યો છે. મોટી સંખ્યામાં લોકો વિવિધ પેમેન્ટ એપનો ઉપયોગ બેન્કિંગથી જોડાયેલા કામો પૂરા કરવા માટે કરી રહ્યાં છે. ડિજિટલ પેમેન્ટને સ્વીકારી ચૂકેલા યુવાનોમાં રોકાણને લઇને જાગૃતિ વધી ગઇ છે ત્યારે ઇન્સ્ટન્ટ પેમેન્ટ એપ ગૂગલ પે, પોતાના યૂઝર્સ માટે એક ખાસ ફેસેલિટી લઇને આવ્યું છે. જેની મદદથી યૂઝર્સ ફિક્સડ ડિપોઝીટ કરી શકશે.

આ સુવિધા માટે પેમેન્ટ એપ Google Pay અને ઇક્વિટાસ સ્મોલ ફાઇનાન્સ બેન્કે કરાર કર્યા છે.  જેના લીધે ગૂગલ પે યૂઝર્સ ઇક્વિટાસ સ્મોલ ફાઇનાન્સ બેન્કની FD એટલે કે ફિક્સડ ડિપૉઝિટ એક વર્ષ માટે ખરીદી શકશે. યૂઝર્સને FD પર વધુમાં વધુ 6.35% નું વ્યાજ મળશે.

2 મિનિટમાં ખોલાવો FD
-સૌથી પહેલા પોતાના ગૂગલ પે એપને શરૂ કરી, નીચે સ્ક્રોલ કરી બિઝનેસ એન્ડ બિલ્સ નામની ઓપ્શન પર ક્લિક કરો. 
-ત્યાર બાદ 'Equitas SFB' ના લોગો પર ક્લિક કરો અથવા ગૂગલ પે પર Equitas સર્ચ કરો.
-'Equitas SFB' ના લોગો પર ક્લિક કર્યા બાદ સ્ક્રીન પર એક Equitas small finance bank by SETU લખેલ નજર આવશે.
- Get Started ઑપ્શન પર ક્લિક કર્યા બાદ સ્ક્રીન પર open FD in 2 minutes અને એક વર્ષની FD પર મળતા વ્યાજનો દર લખેલ હશે. જેની નીચે invest now પર ક્લિક કરો.
-તેના પછી સ્ક્રીન પર ફિક્સડ ડિપોઝીટ સાથે સંકળાયેલા તમામ ઓપ્શન દેખાશે.
- FD માટે રાશી ફિક્સ કર્યા બાદ Create FD નો ઓપ્શન આવશે, જેના પર ક્લિક કર્યા બાદ સીનિયર સિટીઝન, FD રાશી અને સમયને લઇને કનફર્મેશન આવશે.
- ત્યારબાદ KYC ની પ્રક્રિયા પૂરી કરવી પડશે જેમાં તમને આધારકાર્ડ નંબર, મોબાઇલ નંબર, ઇ-મેઇલ આઇ.ડી ડ અને પિનકોડની માહિતી લખવી પડશે.
-આ તમામ પ્રક્રિયા પૂરી થયા બાદ યૂઝરને ફિક્સડ ડિપૉઝીટની કોપી Equitas small finance bank દ્વારા મોકલવામાં આવશે.

15 કરોડ એક્ટિવ યૂઝર
ભારતમાં લોકો રોકાણ માટે ફિક્સડ ડિપોઝીટ પર વિશ્વાસ રાખે છે. તેથી જ Google Pay દ્વારા FD ફેસેલિટીને એપ સાથે જોડી છે. શરૂઆતમાં યૂઝરને 3.5થી 6.35 ટકા સુધી વ્યાજ આપવામાં આવશે. ઇન્સ્ટન્ટ પેમેન્ટ એપને લઇને આવેલા એક અહેવાલ અનુસાર ભારતમાં ગૂગલ પેના 15 કરોડ એક્ટીવ યૂઝર છે.