મધ્યપ્રદેશના કટનીમાં એક ભક્તનું સાઈબાબાના મંદિરમાં નમન કરતી વખતે મોત થયું હતું અને આ ઘટનાનો એક વીડિયો વાયરલ થયો છે.
મધ્યપ્રદેશના કટનીમાં સાંઈ ભક્તને મળ્યું રુડુ મોત
સાઈની મૂર્તિ સામે ઝૂકતા આવ્યો આવ્યો હાર્ટએટેક
ચક્કર ખાઈને ઢળી પડ્યો ત્યાંને ત્યાં મોત
ભગવાનના ચરણોમાં મોત મળે તો કેવું સુખદ કહેવાય. મધ્યપ્રદેશના કટનીના એક સાંઈ ભક્તને આવું રુડુ મોત મળ્યું છે. રાકેશ નામના એક સાંઈ ભક્ત રવિવારે દર્શન માટે સાંઈ બાબાના મંદિરમાં આવ્યાં હતા. સાંઈ દરબારમાં તેમણે બાબાની મૂર્તિ સામે જેવું માથું ઝૂકાવ્યું કે તેમને હાર્ટએટેક આવ્યો હતો અને તેમનું પ્રાણપંખેરુ ઊડી ગયું હતું.
આજકાલ સોશિયલ મીડિયા પર કેટલાક અદ્ધભૂત વીડિયો સામે આવી રહ્યા છે. જેને જોઈને યુઝર્સમાં ડરનો માહોલ જોવા મળી રહ્યો છે. ભૂતકાળમાં લગ્ન સમારંભમાં નાચતા લોકોથી લઈને રામ લીલા દરમિયાન પરફોર્મ કરતા કલાકારો સુધી, તેઓ હાર્ટ એટેકથી પીડાતા પોતાનો જીવ ગુમાવતા જોવા મળ્યા હતા. પરંતુ હવે ભગવાનના દરબારમાં નતમસ્કત થયેલા એક ભક્તને મોત આવ્યું હતું. મધ્યપ્રદેશના કટનીના સાંઈ બાબાના મંદિરમા આ ઘટના બની હોવાનું કહેવાય છે.
સાંઈના ચરણોમાં મોત
આ વીડિયો સોશિયલ મીડિયા પર જંગલમાં લાગેલી આગની જેમ ફેલાઈ રહ્યો છે. જેને સોશિયલ મીડિયાના દરેક પ્લેટફોર્મ પર શેર કરવામાં આવી રહી છે.આ સમગ્ર ઘટના મંદિરમાં લાગેલા સીસીટીવી કેમેરામાં કેદ થઇ ગઇ છે. મૃતક વ્યક્તિનું નામ રાકેશ જણાવવામાં આવી રહ્યું છે, જેણે મંદિરમાં સાંઈબાબાના ચરણોમાં પોતાનું માથુ મુકી દીધુ અને તેનું મોત થઈ ગયુ. હાલ જે રીતે વ્યક્તિનું મોત થયું છે તે જોઇને હવે કેટલાક લોકો તેને મુક્તિ માની રહ્યા છે.