તમારા કામનું / NPS Account થઇ ગયું છે અનએક્ટિવ? તો તુરંત આ સ્ટેપ્સ ફૉલો કરો, એકાઉન્ટ શરૂ

• NPS એટલે નેશનલ પેન્શન સિસ્ટમ
• રોકાણ માટેની ઘણી યોજનાઓ પૈકિ એક છે NPS
• 60 વર્ષની ઉંમર થાય એટલે 60 ટકા ઉપાડી શકાય 

વૃદ્ધાવસ્થામાં પણ આવક ચાલુ રાખવામાં પેન્શન ખૂબ જ મહત્વપૂર્ણ ભૂમિકા ભજવે છે. નિવૃત્તિ પછી પણ આવક ચાલુ રાખવા માટે, ઘણા લોકો તેમની નોકરીની શરૂઆતથી જ રોકાણ કરવાનું શરૂ કરે છે. હાલમાં રોકાણ માટે ઘણી યોજનાઓ અસ્તિત્વમાં છે. NPS (નેશનલ પેન્શન સિસ્ટમ-NPS) આમાંથી એક છે. આમાં ખાતાધારકને વળતરનો લાભ મળે છે. આ ઉપરાંત પાકતી મુદત પછી પેન્શનની સુવિધા પણ ઉપલબ્ધ છે. જ્યારે રોકાણકાર 60 વર્ષનો થાય છે, ત્યારે તે NPSમાં રોકાણ કરાયેલ કુલ રકમના 60 ટકા ઉપાડી શકે છે, જ્યારે 40 ટકા હિસ્સો એન્યુટી તરીકે ઉપયોગમાં લેવામાં આવે છે. આ રીતે એનપીએસ વૃદ્ધાવસ્થા માટે વિશાળ ભંડોળ સાથે પેન્શનની પણ સુવિધા કરી આપે છે. 

જો રોકાણકાર આખા નાણાકીય વર્ષમાં એનપીએસ ખાતામાં ન્યૂનતમ રકમ જમા નથી કરાવતો તો તેનું ખાતું ફ્રીઝ થઈ જાય છે. રોકાણકારે નાણાકીય વર્ષમાં ઓછામાં ઓછા રૂ. 500નું રોકાણ કરવું જોઈએ. ફ્રીઝ અથવા નિષ્ક્રિય એકાઉન્ટ ફરીથી સક્રિય કરી શકાય છે.

ચાલો તમને જણાવીએ કે ફ્રીઝ અથવા નિષ્ક્રિય એકાઉન્ટને  કેવી રીતે ફરીથી સક્રિય કરવું?

ફ્રોઝન એકાઉન્ટને ફરીથી સક્રિય કરવા માટે, તમારે UOS-S10-A ફોર્મ ભરવાનું રહેશે. આ ફોર્મ તમને પોસ્ટ ઓફિસમાં સરળતાથી મળી જશે. આ ઉપરાંત, તમે આ ફોર્મ તે બેંકમાંથી પણ લઈ શકો છો જ્યાં તમારું NPS ખાતું ખોલવામાં આવ્યું છે. તમે ઓનલાઈન ફોર્મ પણ ડાઉનલોડ કરી શકો છો.

ફોર્મ ભર્યા પછી, સબસ્ક્રાઇબરે PRAN કાર્ડની નકલ જોડવાની રહેશે.

આ સાથે, ખાતાધારકે વાર્ષિક લેણાં જમા કરાવવા પડશે અને પ્રતિ વર્ષ લેખે 100 રૂપિયાનો દંડ ભરવો પડશે.

અરજીપત્રક સબમિટ થયા બાદ અધિકારી દ્વારા તેની ચકાસણી કરવામાં આવશે.

અરજી ફોર્મની ચકાસણી કર્યા પછી, પ્રક્રિયા શરૂ કરવામાં આવશે અને PRAN સક્રિય કરવામાં આવશે.

NPS વેબસાઇટ પરથી એકાઉન્ટ કેવી રીતે સક્રિય કરવું ?

તમે NPS વેબસાઇટ (https://www.indiapost.gov.in/Financial/pages/content/nps.aspx) પર જાઓ.

હવે તમારા PRAN નંબર અને પાસવર્ડની મદદથી લોગ ઇન કરો.
આ પછી માય એકાઉન્ટ પર ક્લિક કરો.
હવે અનફ્રીઝ એકાઉન્ટનો વિકલ્પ પસંદ કરો.
આ પછી તમારે તમામ જરૂરી માહિતી ભરવી પડશે અને લેટ ફી ચૂકવવી પડશે.
પેમેન્ટ કર્યા પછી તમારું એકાઉન્ટ એક્ટિવેટ થઈ જશે.

VTV Gujarati Newsની તમામ અપડેટ સૌથી પહેલા મેળ​વ​વા માટે અમારી WhatsApp ચેનલ ફોલો કરો