ફેમસ બોલિવૂડ સ્ટાર બોબી દેઓલ વર્ષ 2023માં પોતાની ફિલ્મ 'એનિમલ'ના કારણે લોકો વચ્ચે ચર્ચાનો વિષય બન્યા હતા અનેબોબી દેઓલને ફિલ્મ 'એનિમલ'માં કામ કરવા બદલ ઘણા એવોર્ડ પણ મળ્યા હતા. હવે એ વાત તો જાણીતી જ છે કે બોબી દેઓલની ફિલ્મ 'એનિમલ'ની સાથે OTT વેબ સિરીઝ 'આશ્રમ' પણ લોકોને પસંદ આવી હતી. બોબી દેઓલે વેબ સિરીઝ 'આશ્રમ'માં પોતાના શાનદાર અભિનયથી બધાનું દિલ જીતી લીધું હતું.
અત્યાર સુધી 'આશ્રમ' સીરીઝની ત્રણ સીઝન આવી ચૂકી છે. હવે ચાહકો વેબ સિરીઝ 'આશ્રમ'ની ચોથી સીઝનની રાહ જોઈ રહ્યા છે. આ દરમિયાન વેબ સિરીઝ 'આશ્રમ 4'ને લઈને એક મોટું અપડેટ સામે આવ્યું છે. વેબ સિરીઝની રિલીઝનો ખુલાસો થયો છે.
જાણીતું છે કે 'આશ્રમ 4'નું ટીઝર પહેલા જ રિલીઝ થઈ ગયું છે અને તેમાં બાબા નિરાલાની વાપસીનો સંકેત આપવામાં આવ્યો છે. જો કે ત્યારપછી મેકર્સે આ અંગે કોઈ અપડેટ આપી નથી. પરંતુ હવે 'આશ્રમ 4'ની રિલીઝ ડેટને લઈને એક મોટું અપડેટ સામે આવ્યું છે.
ભોજપુરી ફિલ્મોના જાણીતા અભિનેતા અને આશ્રમ વેબ સિરીઝમાં ભોપા સ્વામીની ભૂમિકા ભજવનાર ચંદન રોય સાન્યાલે સીઝન 4 વિશે મોટો ખુલાસો કર્યો છે. હાલમાં જ એક ઈન્ટરવ્યુમાં ચંદને જણાવ્યું હતું કે પ્રકાશ ઝાની વેબ સિરીઝ 'આશ્રમ 4'નું લગભગ કામ પૂર્ણ થઈ ગયું છે અને આ વેબ સિરીઝ આ વર્ષે રિલીઝ થશે.
ચંદન રોય સાન્યાલે જણાવ્યું કે 'સિરીઝ માટે તમામ તૈયારીઓ કરી લેવામાં આવી છે. અને અત્યારે આ સિરીઝના કેટલાક સીન શૂટ કરવાના બાકી છે.' ટૂંકમાં મેકર્સ વેબ સિરીઝ 'આશ્રમ 4' ડિસેમ્બર 2024માં રિલીઝ કરી શકે છે.
VTV Gujarati Newsની તમામ અપડેટ સૌથી પહેલા મેળવવા માટે અમારી WhatsApp ચેનલ ફોલો કરો
