- વર્લ્ડ બેન્કના એજ્યુકેશન ડિરેક્ટરનું મોટું નિવેદન
- કોરોનાને કારણે ભારતમાં સ્કૂલો બંધ રાખવાનો કોઈ અર્થ નથી
- કોરોનાને કારણે બાળકોને ઓછું જોખમ
ભારતમાં કોરોનાના ડરને કારણે સ્કૂલો બંધ રાખનાર રાજ્ય સરકારોએ વર્લ્ડ બેન્કના શિક્ષણ ડિરેક્ટરનું નિવેદન ધ્યાનમાં લેવા જેવું છે. કોરોનાના ડરથી વાલીઓ પણ તેમના બાળકોને સ્કૂલોએ મોકલતા નથી ત્યારે હવે સ્કૂલો અને કોરોના વચ્ચે કોઈ સીધા સંબંધ નથી તેવું એક મોટું નિવેદન સામે આવ્યું છે.
લોને ફરી વાર ખોલવા માટે બાળકોના વેક્સિનેશનની રાહ જોવાનો કોઈ અર્થ નથી
વર્લ્ડ બેન્કના શિક્ષણ ડિરેક્ટર જૈમે સાવેદરાએ જણાવ્યું કે સ્કૂલોને ફરી વાર ખોલવા માટે બાળકોના વેક્સિનેશનની રાહ જોવાનો કોઈ અર્થ નથી અને તેની પાછળ કોઈ વિજ્ઞાન નથી. તેમણે કહ્યું કે કોરોનાને કારણે બાળકોને ઓછું જોખમ છે પરંતુ સ્કૂલ બંધ કરવાનો ખર્ચ ઘણો વધારે છે. મહામારી દરમિયાન સ્કૂલ બંધ થવાને કારણે ભારતમાં શીખવાની વૃતિ 55થી વધીને 70 થવાની ધારણા છે.
સ્કૂલો બંધ રાખવાનો કોઈ અર્થ નથી-સાવેદરા
જૈમે સાવેદરાએ જણાવ્યું કે સ્કૂલો ફરી વાર શરુ કરવાથી કોરોનાના કેસમાં ઉછાળો આવશે તેવું સાબિત કરવા માટે કોઈ પુરાવા નથી તેમણે એવું પણ કહ્યું કે સ્કૂલ સુરક્ષિત સ્થાન છે. જાહેર નીતિના દ્રષ્ટિકોણથી બાળકોના વેક્સિનેશન સુધી રાહ જોવાનો કોઈ અર્થ નથી કારણ કે તેની પાછળ કોઈ વિજ્ઞાન નથી.
.jpg)
સ્કૂલ ખોલવા અને કોરોનાના ફેલાવાની વચ્ચે કોઈ સંબંધ નથી
તેમણે કહ્યું કે સ્કૂલ ખોલવા અને કોરોનાના ફેલાવાની વચ્ચે કોઈ સંબંધ નથી. બન્નેને જોડવાના કોઈ પુરાવા નથી અને હવે સ્કૂલો બંધ રાખવાનો કોઈ અર્થ નથી. ભલેને કોરોનાની ત્રીજી લહેર હોય, સ્કૂલોને બંધ રાખવી છેલ્લો ઉપાય નથી. રેસ્ટોરેન્ટ, બાર, શોપિંગ મોલ ખુલ્લા રાખવા અને સ્કૂલોને બંધ રાખવી એ વાતનો પણ કંઈ અર્થ નથી.
ભારતમાં કોરોનાની ત્રીજી લહેર, મોટાભાગના રાજ્યોએ બંધ કરી છે સ્કૂલો
ભારતમાં હાલમાં કોરોનાની ત્રીજી લહેર ચાલી રહી છે અને મોટાભાગના રાજ્યોએ સ્કૂલો બંધ કરી છે ત્યારે હવે વર્લ્ડ બેન્કના એજ્યુકેશન ડિરેક્ટરનું આ નિવેદન ખૂબ મહત્વનું છે અને રાજ્યોએ તેની નોંધ લેવી જોઈએ.
