બોલિવૂડ / નાણા મંત્રી નિર્મલા સીતારમણે સુશાંત સિંહ રાજપૂતની કઈ ભવિષ્યવાણી કરી દિધી સાચી ? બજેટમાં કરી આ મોટી જાહેરાત

• સુશાંતની ભવિષ્યવાણી સાચી સાબિત થઈ રહી છે
• આર્ટિફિશિયલ ઈન્ટેલિજન્સ, રોબોટિક્સ શિક્ષણની કરી હતી ભવિષ્યવાળી 
• બંને અભ્યાસક્રમોને શૈક્ષણિક સંસ્થાઓમાં સામેલ કરવાની મંજૂરી આપવામાં આવી 

બોલિવૂડ સુપરસ્ટાર સુશાંત સિંહ રાજપૂતના નિધનથી આજે પણ દરેક લોકો દુખી છે. આજે તેના ચાહકો તેને ખૂબ જ યાદ કરે છે કારણ કે તે માત્ર એક સારા અભિનેતા જ નહીં પરંતુ પ્રતિભાશાળી વ્યક્તિ   હતા. તેઓ અભ્યાસમાં ખૂબ સારા હતા અને અભિનયની સાથે ગાવાના પણ શોખીન હતા. અભિનેતાએ એક સમયે આગાહી કરી હતી કે આવનારા સમયમાં આર્ટિફિશિયલ ઈન્ટેલિજન્સ અને રોબોટિક્સનો શિક્ષણમાં સમાવેશ કરવામાં આવશે. હવે તાજેતરના બજેટમાં આ બંને અભ્યાસક્રમોને શૈક્ષણિક સંસ્થાઓમાં સામેલ કરવાની મંજૂરી આપવામાં આવી છે અને સુશાંતની ભવિષ્યવાણી સાચી સાબિત થઈ રહી છે.

 

 

 

 

View this post on Instagram

 

 

 

 

 

 

 

 

 

 

 

A post shared by Sushant Singh Rajput (@sushantsinghrajput)

નાણામંત્રી નિર્મલા સીતારમણે વર્ષ 2023નું બજેટ જાહેર કર્યું હતું. આ પ્રસંગે તેમણે શિક્ષણ ક્ષેત્રે કેટલાક મોટા ફેરફારો કર્યા હતા. આ ફેરફારો સમયની માંગને ધ્યાનમાં રાખીને કરવામાં આવ્યા છે. હવે બધું એડવાન્સ થઈ રહ્યું છે. ટેક્નોલોજીના સ્તરે લોકોની સ્વીકૃતિ વધી છે. આવી સ્થિતિમાં હવે દેશની ટોચની સંસ્થાઓમાં AI અને રોબોટિક્સ જેવા કોર્સનો સમાવેશ કરવામાં આવી રહ્યો છે. બજેટની વાત કરીએ તો, આ મોદી સરકારના બીજા કાર્યકાળનું અંતિમ બજેટ હતું, જે 1 ફેબ્રુઆરી, 2023ના રોજ બહાર પાડવામાં આવ્યું હતું.

સુશાંતે આવી ભવિષ્યવાણી કરી હતી
સુશાંત સિંહ રાજપૂતે વર્ષ 2019માં દેશની શિક્ષણ પ્રણાલી વિશે વાત કરી હતી અને તેના ભાવિ ઈન્ફ્રાસ્ટ્રક્ચર પર પોતાનો અભિપ્રાય વ્યક્ત કર્યો હતો. સુશાંતે કહ્યું હતું કે આવનારા સમયમાં કોડિંગને શાળામાં ફરજિયાત વિષય તરીકે સામેલ કરવામાં આવશે. સુશાંતનું માનવું હતું કે નર્સરીમાં ભણતા 65% બાળકો આવનારા સમયમાં આવી ટેક્નોલોજી પર કામ કરશે, જેની હજુ સુધી શોધ પણ નથી થઈ.

સુશાંત આવા લોકોની મદદ કરતો હતો
આટલું જ નહીં, સુશાંત સિંહ રાજપૂતે પોતે આર્ટિફિશિયલ ઈન્ટેલિજન્સ સંબંધિત એપ્સ પણ બનાવી હતી, જેની મદદથી તે ગરીબોની મદદ કરતો હતો. ડેનમાર્ક સ્થિત ગાયક-એન્ટરપ્રેન્યોરએ પણ આ વાતની પુષ્ટિ કરી હતી અને કહ્યું હતું કે સુશાંત સિંહ રાજપૂતે તેની તરફથી પહેલ કરી હતી અને તે ટેક્નોલોજીની મદદથી જરૂરિયાતમંદોને મદદ કરવા માગે છે. સુશાંતની ઉદારતાથી બધા વાકેફ હતા. તેમની આ ખાસિયત તેમને ચાહકો સાથે જોડાયેલા રાખતી હતી. આજે પણ જ્યારે ક્યાંક અભિનેતાનો ઉલ્લેખ થાય છે ત્યારે ચાહકો ખૂબ જ ભાવુક થઈ જાય છે.