ન્યુઝીલેન્ડમાં છેલ્લા 100 દિવસમાં કોરોનાના એક પણ લોકલ કેસ આવ્યા નથી. જો કે નાગરિકોને ચેતવણી આપવામાં આવી છે કે હજુ પણ સતર્ક રહેવાની જરૂર છે નહીંતર વિયેતનામ અને ઓસ્ટ્રેલિયા જેવી પરિસ્થિતિનો સામનો કરવો પડી શકે છે.
વાયરસને કાબૂમાં કરવા માટે 50 લાખની વસ્તી ધરાવતા આ દેશના ખૂબ વખાણ કરવામાં આવે છે. વડાપ્રધાન જેસિન્ડા અર્ડનના લોકો વખાણ કરી રહ્યા છે. ન્યુઝીલેન્ડને અત્યારે કોરોના સંદર્ભે વિશ્વનો સૌથી સુરક્ષિત દેશ માનવામાં આવે છે.
ન્યુઝીલેન્ડમાં છેલ્લા 100 દિવસથી એક પણ લોકલ કોરોનાનો કેસ આવ્યો નથી. જો કે નાગરિકોને ચેતવણી આપવામાં આવી છે કે હજુ પણ સતર્ક રહેવાની જરૂર છે નહીંતર વિયેતનામ અને ઓસ્ટ્રેલિયા જેવી પરિસ્થિતિનો સામનો કરવો પડી શકે છે.
જો કે, ન્યુઝીલેન્ડના અધિકારીઓ હજી પણ કોરોના મુદ્દે ચિંતિત છે, કેમ કે લોકોએ હવે સામાન્ય જીવન શરૂ કરી દીધું છે અને ટેસ્ટ કરાવવાથી પણ ઇનકાર કરી રહ્યા છે. ઘણા લોકો સરકાર દ્વારા બહાર પાડવામાં આવેલી ટ્રેસિંગ એપનો ઉપયોગ પણ કરી રહ્યા નથી અને હાઇજીનની પણ કાળજી લેતા નથી.
ન્યુઝીલેન્ડ હવે આગામી દિવસોમાં કોરોનાવાયરસના ફરીથી ફેલાવાની પરિસ્થિતિ માટે પોતાને તૈયાર કરી રહ્યું છે. જેથી સમયસર વાયરસ ફેલાતો રોકવા માટે પૂરતા પગલા લેવામાં આવી શકે. ન્યુઝીલેન્ડમાં અત્યાર સુધીમાં કુલ 1219 કોરોના કેસ નોંધાયા છે. અત્યારે આઇસોલેશન સેન્ટરમાં હાલમાં 23 સક્રિય કેસ છે. આ કેસ અન્ય દેશથી આવનાર સંક્રમિત લોકો સાથે સંબંધિત છે.