ડેટસનની ગાડીઓ ભારતીય બજારમાં ખૂબ જ પસંદ કરવામાં આવે છે. ત્યારે હવે કંપનીએ ડેટસન રેડીગોનું નવું ફેસલિફ્ટ મોડલ ભારતીય બજારમાં લોન્ચ થયું છે અને આ નવી રેડીગોની પ્રારંભિક કિંમત 2.83 લાખ રૂપિયા છે. ઓછી કિંમતમાં જબરદસ્ત ફીચર્સ અને શાનદાર લુક હોવાને કારણે ડેટસન રેડી-ગો મારૂતિની અલ્ટો, S-Presso અને રેનોની ક્વિડને ટક્કર આપશે.
આ કારની સૌથી સારી વાત એ છે કે, BS6 રેડીગો શરૂઆતી કિંમત 3 લાખ રૂપિયાથી પણ ઓછી છે. રેડી-ગોના ફેસલિફ્ટ મોડલના બેસ મોડલની એક્સ શોરૂમ કિંમત માત્ર 2.83 લાખ રૂપિયા છે, જ્યારે તેના ટોપ મોડલની કિંમત 4.77 લાખ રૂપિયા છે. બજારમાં ઉપલબ્ધ મોડલની સરખામણીમાં 2020 Datsun Redi-GOના લુકમાં ઘણાં ફેરફાર કરવામાં આવ્યા છે. જૂના મોડલ કરતાં નવા માટે કારનો ફ્રંટ લુક એકદમ બદલાઈ ગયો છે. પહેલાં કરતાં કાર વધુ બોલ્ડ અને સ્ટાઈલિશ લાગે છે. ફ્રંટ અને રિયર બંપરની ડિઝાઈનમાં પણ ફેરફાર કરવામાં આવ્યા છે.
ફીચર્સ
કારની ફીચર્સની વાત કરીએ તો તેમાં એક્સ્ટિરિયર અને ઈન્ટિરિયર બંનેમાં ફેરફાર કરવામાં આવ્યો છે. તેના ફ્રન્ટ-એન્ડ પર ઘણું કામ કરવામાં આવ્યું છે. તેમાં સ્લિમ હેડ્લાઈટસ, એલ શેપની ડીઆરએલ આપવામાં આવી છે, તેમજ ક્રોમ પર પણ વર્ક કરવામાં આવ્યું છે. આ સાથે જ તેમાં સેગમેંટ ફર્સ્ટ એલઈડી ફોગ લેમ્પ પણ છે. 8 ઈંચની ઇન્ફોટેનમેન્ટ સિસ્ટમ, પિયાનો બ્લેક ફિનિશ વિથ સિલ્વર બેઝલ્સ, ડ્યુઅલ ટોન ઈન્સ્ટ્રુમેન્ટ ક્લસ્ટર, ડ્યુઅલ એરબેગ્સ, એન્ટી લોક બ્રેકિંગ સિસ્ટમ, ઈન્ટરનલ એડજસ્ટેબલ મિરર્સ, રિવર્સ પાર્કિંગ સેન્સર અને કેમેરા, નવું ડેશબોર્ડ એન્ડ કંટ્રોલ્સ, એપલ કાર પ્લે, એન્ડ્રોઈડ ઓટો, વોઈસ રેકગ્નિશન અને બ્લૂટુથ કનેક્ટિવિટી પણ આપવામાં આવી છે.
A post shared by Auto Infiniti (@automobili.infiniti) on
એન્જિન
ડેટસને તેની નવી રેડી-ગોને ચાર (D, A, T, T-O) વેરિઅન્ટમાં લોન્ચ કરી છે. હવે કારના એન્જિનની વાત કરીએ તો કંપનીએ તેમાં પણ ફેરફાર કર્યાં છે. બીએસ 4ની સરખામણીમાં નવા મોડલની માઈલેજ ઘટી ગઈ છે. ડેટસન રેડી ગોમાં પહેલાંની જેમ જ 0.8 લિટર 1.0 લિટર એન્જિનને BS6માં અપગ્રેડ કરવામાં આવ્યાં છે. ARAI (ઓટોમોટિવ રિસર્ચ એસોસિયેશન ઓફ ઈન્ડિયા)ના જણાવ્યા મુજબ, રેડીગો 0.8માં 20.71Kmpl (પહેલાં કરતાં 1.99 Kmpl ઓછી) અને રેડીગો 1.0 મેન્યુઅલમાં 21.7Kmpl (પહેલાં કરતાં 0.8Kmpl ઓછી) અને રેડી-ગો 1.0 ઓટોમેટિકમાં 22Kmpl (પહેલાં કરતાં 1 Kmpl ઓછી) માઇલેજ મળે છે.