ખાડી દેશ સઉદી અરબ પોતાનું સપનુ પુરુ કરવા જઈ રહ્યું છે. જે રણમાં મોટુ શહેર વિકસાવવા જઈ રહ્યું છે. ધોમ ધખતા તાપવાળા આ વિસ્તારમાં આખુ વર્ષ બરફ પડતો રહેશે.
ખાડી દેશ સઉદી અરબ રણમાં ઊભુ કરશે શહેર
દુનિયાનો સૌથી મોંઘો પ્રોજેક્ટ હશે
ન્યૂયોર્ક કરતા 33 ગણુ મોટુ શહેર વિકસાવશે
આખુ વર્ષ બરફ પડતો રહેશે
સઉદી અરબ દુનિયાભરમાં તેલ માટે જાણીતો ખાડી દેશ છે. પણ હવે તે પહાડી રણમાં એક એવું શહેર બનાવવા માગે છે, જે તેમની નવી ઓળખાણ બને. 2017માં ક્રાઉન પ્રિન્સ મોહમ્મદ બિન સલમાને તેની જાહેરાત કરી હતી. આ અત્યાર સુધીમાં દુનિયાનો સૌથી મોંઘો પ્રોજેક્ટ હોવાનું કહેવાય છે. આ શહેરને બનાવવા માટે લગભગ 500 બિલિયન ડોલરનો ખર્ચો આવશે. શહેરને લગભગ યુરોપિયાઈ દેશ બેલ્ઝિયમની બરાબર વસાવામાં આવશે. જેનું ક્ષેત્રફળ 30,528 વર્ગ કિમી છે. શહેર ન્યૂયોર્કથી લગભગ 33 ગણુ મોટુ હશે.
માઉંટેન ટૂરિઝ્મને પ્રોત્સાહન આપનારા શહેરનું નામ 'નિયોમ સિટી' હશે. આ શહેરની કેટલીય ખાસિયતો ગણાવાય છે. જેને સાંભળીને આપને લાગશે કે આ શહેર કોઈ હોલીવૂડ ફિલ્મનો સીન છે. લાલ સાગરના કિનારે સઉદી અરબના તબુક રાજ્યમાં આ શહેર બનાવામાં આવી રહ્યું છે. આ મેગાસિટી પ્રોજેક્ટ આર્ટીફિશિયલ ઈંટેલિજેંસ અને ક્લીન એનર્જીથી ચાલશે. સઉદી અરબ આ શહેરને 2026 સુધીમાં પુરુ બનાવી દેવા માગે છે. નિયોમ સિટીનો દાવો છે કે, આ શહેર ભવિષ્યની બ્લૂપ્રિન્ટ છે. જેના પર માણસાઈનો વિકાસ થશે.
શું હશે ખાસિયત
આ શહેરની ખાસિયતની વાત કરીએ તો, પ્લાન મુજબ અહીં ડ્રોન ટેક્સી, જુરાસિક પાર્કની સ્ટાઈલના અમ્યુસમેંટ પાર્ક, એક મોટો આર્ટિફિશિયલ ચંદ્ર પણ હશે. અહીં એવી લિફ્ટની વાત કરવામાં આવી છે કે, કોઈ પણ પ્રકારની હવામાં ચાલશે અને સમગ્ર શહેર તેની સાથે જોડાયેલુ હશે. આ શહેરમાં બિલ્ડીંગનો આઈડિયા DNA માફક ફરતી ડબલ હીલિક્સ જેવો હશે. શહેર 170 કિમી લાંબી લાઈન જેવું હશે, જ્યાં કોઈ રોડ કે પ્રદૂષણ નહીં હોય. એક આર્ટિફિશિયલ સ્કી રિસોર્ટ બનાવવામાં આવશે, જ્યાં આખુ વર્ષ બરફ પડતો રહેશે. તેની સાથે જ બે કિમી લાંબા એક આર્ટિફિશિયલ તળાવ પણ બનાવામાં આવશે.
શું પુરો થઈ શકશે પ્રોજેક્ટ
નિયમો સિટી પ્રોજેક્ટ કોઈ સપનાના શહેરથી જરાયે ઉતરતું નથી. હોલીવૂડ ફિલ્મોમાં VFXથી આ પ્રકારના શહેરો બનાવવા ખૂબ જ સરળ છે, પણ અસલ દુનિયામાં શહેરને રિયાલટીમાં લાવવુ અઘરુ છે.આ શહેરની સામે સૌથી મોટી ચેલેન્જ એ છે કે, આ શહેર જ્યાં વસાવામાં આવી રહ્યું છે, ત્યાં દૂર દૂર સુધી ક્યાંય પણ ચોખ્ખુ પીવાનું પાણી નથી. એટલે કે દરિયાના પાણીને સાફ કરીને પીવા માટે તેનો ઉપયોગ થશે. ઉપરાંત ગરમીમાં અહીં તાપમાન ખૂબ જ ઊંચુ હોય છે. એક રિપોર્ટમાં જણાવ્યા અનુસાર, આ પ્રોજેક્ટ માટે સદીઓથી અહીં રહેતી એક જનજાતિને ભગાડી દેવામાં આવી છે. કેટલાય લોકો જેલમાં છે અને કેટલાયને મારી નાખવામાં આવ્યા છે. જમીન પર હાલમાં કંઈ થયું નથી, ખાલી અમુક ઈમારતો સિવાય, તે પણ મોહમ્મદ બિન સલમાન સાતે જોડાયેલી છે.