નવસારી: ગુજરાતના ગરબાએ સમગ્ર વિશ્વ માટે આકર્ષણનું કેન્દ્ર બન્યા છે. કૃષ્ણયુગના દોરી રાસ ગરબાની યાદ આપવી દે જે ગુજરાતમાં વિસરાઈ રહેલી દોરી રાસની સંસ્કૃતિને ઉજાગર કરતા નવસારીના ગણદેવી શહેરે આ પ્રાચીન દોરી રાસને સાચવીને બેઠાં છે.
ઉલ્લેખનીય છે કે સામાન્ય નર કે નારી ચાહે તો પણ આ દોરી રાસ રમી શકતા નથી. આ દોરી રાસમાં ચોક્કસ તાલીમ પામેલા લોકો જ રંગત ઉઠાવી શકતા હોય છે. બુદ્ધિ સમતાના રાસ હોવાથી તાલીમ પામેલા લોકો જ દોરી રાસની મજા ઉઠાવી શકતા હોય છે. નહીંતર અન્ય દોરી રાસની રમત રમે તો દોરીની ગુચમાં ગુંચવાઈ જાય છે. આવી પ્રાચીન પરંપરા કુંભાર (પ્રજાપતિ) સમાજે જાળવીને દોરી રાસની મજા લૂંટી રહ્યા છે.
આપને જણાવી દઇએ કે દોરી રાસએ શ્રીકૃષ્ણએ આપેલ અનમોલ દેન છે. વૃન્દાવનમાં કૃષ્ણ અને ગોપીઓ દોરી રાસના માધ્યમથી એકાકાર થઇ જતા હતા. જે દોરી રાસ દક્ષિણ ગુજરાતના નવસારી જીલ્લાના ગણદેવીમાં બાપ દાદાઓથી પ્રજાપતિ સમાજ રમી રહ્યો છે અને એ દોરી રાસની સંસ્કૃતિની જલકને યુવાનોએ જીવંત રાખી દોરી રાસને ગતિ આપી છે.
તત્કાલીન સમયમાં ગરબાની જગ્યાએ ફિલ્મી ગીતોએ સ્થાન જમાવ્યું છે અને બીજી તરફ એક્શન કલ્ચરના આક્રમણે સાત્વિક ગરબાનું અસ્તિત્વ જોખમમાં મુક્યું છે. તેવા સમયે ગણદેવીના કુંભાર સમાજની યુવા પેઢી સાચા અર્થમાં સંસ્કૃતિનું જતન કરનારી બની છે.