TIPS / માત્ર આ 5 ઘરેલૂ ઉપાય કરો, વાળ ખરતાં રોકાય જશે અને વાળ સંબંધી તમામ સમસ્યાઓ થશે દૂર

• પ્રદૂષણ, સ્ટ્રેસને કારણે વાળ પુષ્કળ ખરે છે
• નબળાં વાળ મજબૂત બનાવશે આ ઉપાય
• વાળ ખરવાની સમસ્યા કાયમી થઈ જશે દૂર

ડુંગળીનો રસ

ડુંગળીમાં ભરપૂર પ્રમાણમાં સલ્ફર હોય છે. જે માથામાં બ્લડ સર્ક્યુલેશન વધારીને વાળ ખરતાં રોકે છે. તેના ઉપાય માટે એક ડુંગળી કાપીને તેને પીસી તેનો રસ કાઢી લો. તેમાં 1 ચમચી ગુલાબજળ અને 1 ચમચી મધ મિક્સ કરી સ્કેલ્પમાં લગાવો અને 5 મિનિટ મસાજ કરો. અડધો કલાક પછી શેમ્પૂ કરી લો. સપ્તાહમાં 2વાર આ ઉપાય કરો. 

મેથી દાણા

મેથી દાણામાં ફોલિક એસિડની સાથે પ્રોટીન, વિટામિન એ, સી અને કે હોય છે. આ વાળને મજબૂતી આપીને ખરતાં રોકે છે. મેથી દાણાને આખી રાત પલાળીને સવારે તેની પેસ્ટ બનાવી સ્કેલ્પમાં લગાવી લો. પછી ગરમ પાણીમાં ટુવાલ નિચોવી વાળમાં લપેટી દો. અડધા કલાક પછી વાળ ધોઈ લો. સપ્તાહમાં 2વાર આ ઉપાય કરો. 

કડવા લીમડાના પાન

લીમડાના પાન વાળને ઈન્ફેક્શનથી બચાવે છે અને ખરતા પણ રોકે છે. તેના ઉપયોગથી બ્લડ સર્ક્યુલેશન પણ વધે છે. જેનાથી વાળ મજબૂત થાય છે. તેના માટે 2 મુઠ્ઠી લીમડાના પાન લઈ ધોઈને 1 ગ્લાસ પાણીમાં ઉકાળી લો. પાણીનો કલર બદલાય એટલે ગેસ બંધ કરી લો. પછી આ પાણી વાળ અને સ્કેલ્પમાં લગાવી 1 કલાક પછી ધોઈ લો. રોજ આ ઉપાય કરો. 

લીમડાના પાન

મીઠો લીમડો એન્ટીઓક્સીડેન્ટ, પ્રોટીન અને બિટા કેરોટીનથી ભરપૂર હોય છે. આ ત્રણેય વસ્તુઓ વાળને મજબૂત બનાવે છે અને ખરતા રોકે છે. તેના ઉપાય માટે નારિયેળ તેલમાં લીમડાના થોડાં પાન નાખીને ઉકાળી લો. આ તેલ નવશેકું રહે એટલે તેનાથી વાળમાં માલિશ કરો. સપ્તાહમાં બેવાર આ ઉપાય અજમાવો. 

ગ્રીન ટી

ગ્રીન ટીના ઉપાયથી વાળને પોષણ મળે છે. તે વાળને મજબૂત બનાવે છે. તેનાથી વાળની શાઈન પણ વધે છે. 2 ગ્રીન ટી બેગને 2 કપ પાણીમાં નાખી ઉકાળી લો. ઠંડુ થાય એટલે તેને વાળમાં લગાવી લો. પછી 1 કલાક બાદ વાળ ધોઈ લો. સપ્તાહમાં 3વાર આ ઉપાય કરો.