સંશોધન / NASAનાં હબલ ટેલીસ્કોપે શોધ્યો પૃથ્વીનાં જેવો જ મોટો ગ્રહ, પાણી અને વાયુમંડળનું અસ્તિત્વ

• પૃથ્વીથી આઠ ગણું વધારે વજન ધરાવનાર ગ્રહની શોધ
• ગ્રહની ગુરૂત્વાકર્ષણ શક્તિ પણ પૃથ્વીની તુલનામાં વધારે
• NASAનાં ટેલીસ્કોપની આ છે પ્રથમ મોટી શોધ

યુનિવર્સિટી કૉલેજ ઑફ લંડનનાં સ્પેસ એક્સોકેમિસ્ટ્રી ડેટાનાં અંતરિક્ષ વૈજ્ઞાનિકોએ જણાવ્યું કે,

'અમે નાસાનાં હબલ ટેલિસ્કોપ (hubble telescope) થી મળેલી તસ્વીરો અને ડેટાનું એનાલિસિસ કર્યા બાદ આ પરિણામ નીકાળ્યાં છે. K2-18B ગ્રહ પૃથ્વીથી 110 પ્રકાશવર્ષ દૂર લિયો નક્ષત્રમાં છે. આ પ્રથમ એવો ગ્રહ છે કે જેની પર પાણી અને વાયુમંડળ બંને છે. અમારા અધ્યયનમાં એમ પણ ખ્યાલ આવ્યો કે ત્યાંની પથ્થરવાળી કડક જમીન પર પાણીનાં મોટા અને ઉંડા સ્ત્રોત પણ છે.'

For the first time, researchers using Hubble have detected water vapor signatures in the atmosphere of a planet beyond our solar system that resides in the "habitable zone." For more information: https://t.co/vUa2NbkbwU pic.twitter.com/ey3uz2ynMk

— Hubble (@NASAHubble) September 11, 2019

યુનિવર્સિટી કૉલેજ ઑફ લંડનનાં વૈજ્ઞાનિકોએ કહ્યું કે, K2-18B ગ્રહ પર ઉચ્ચ સ્તરનું રેડિએશન પણ હોઇ શકે છે. K2-18B ગ્રહનું વજન પૃથ્વીથી આઠ ગણું વધારે છે. જેથી એવી આશા છે કે આ ગ્રહની ગુરૂત્વાકર્ષણ શક્તિ પણ પૃથ્વીની તુલનામાં વધારે છે. આ ગ્રહનાં વાયુમંડળમાં હાઇડ્રોજન અને હીલિયમ પણ મળે છે. આ સિવાય, એવી આશા છે કે આ ગ્રહ પર અહીં પર નાઇટ્રોજન અને મીથેન પણ હોય, પરંતુ અત્યાર સુધી રિસર્ચમાં એવી કોઇ જાણકારી નથી મળી.

યુનિવર્સિટી કૉલેજ ઑફ લંડનનાં વૈજ્ઞાનિકોએ કહ્યું કે, K2-18B ગ્રહ પર આગળનાં અભ્યાસમાં એમ જાણવામાં આવશે કે ત્યાં વાદળ કેટલાં છે. આ સાથે જ વાયુમંડળમાં પાણીની કેટલી માત્રા છે. આ ગ્રહને વિશે સૌ પહેલાં નાસાનાં કેપલર સ્પેસ ટેલીસ્કોપે 2015માં જાણકારી આપી હતી. પરંતુ વધારે જાણકારી માટે હબલ ટેલીસ્કોપને તૈનાત કરવામાં આવ્યાં.