નર્મદાના કેચમેન્ટ વિસ્તારમાં સારા વરસાદને પગલે ડેમની સપાટી 4 મીટર જેટલી વધી છે. મહત્વનું છે કે, હાલ મધ્યપ્રદેશમાં સારા વરસાદના કારણે હજુ પણ જળસપાટી વધી શકે છે
નર્મદા ડેમની સપાટીમાં ફરી એકવાર વધારો
આજે જળસપાટીમાં 4 મીટર વધારો નોંધાયો
સારા વરસાદને કારણે હજી પણ જળસપાટી વધી શકે
ગુજરાતની જીવાદોરી સમાન નર્મદા ડેમની જળસપાટીમાં ફરી એકવાર વધારો નોંધાયો છે. કેચમેન્ટ વિસ્તારમાં સારા વરસાદને પગલે ડેમની સપાટી 4 મીટર જેટલી વધી છે. મહત્વનું છે કે, હાલ મધ્યપ્રદેશમાં સારા વરસાદના કારણે હજુ પણ જળસપાટી વધી શકે છે. નર્મદા ડેમની સપાટી 119.80 મીટરે પહોંચી છે. નર્મદા ડેમના કેચમેન્ટ વિસ્તાર અને મધ્ય પ્રદેશમાં સારો વરસાદ પડતા સરદાર સરોવરમાં પાણી આવ્યું છે.
નર્મદા ડેમની સપાટી 119.80 મીટરે પહોંચી
ગુજરાત માટે સારા સમાચાર મળી રહ્યા છે.ગુજરાતની જીવાદોરી નર્મદા બંધની જળસપાટીમાં વધારો નોંધાયો છે. કેચમેન્ટ વિસ્તારમાં સારા વરસાદને પગલે બંધની સપાટી 4 મીટર જેટલી વધી છે. નર્મદા ડેમની સપાટી 119.80 મીટરે પહોંચી છે. નર્મદા ડેમના કેચમેન્ટ વિસ્તાર અને મધ્ય પ્રદેશમાં સારો વરસાદ પડતા સરદાર સરોવરમાં પાણી આવ્યું છે. ઉપરવાસમાંથી 44,957 ક્યૂસેક પાણીની આવક થઈ રહી છે. નર્મદા ડેમમાં 1198 MCM (મ્યુલીયન ક્યુબિક મીટર) લાઈવ પાણીનો જથ્થો છે.
ગઇકાલે પણ નર્મદા ડેમની સપાટીમાં વધારો થયો હતો
ગુજરાતની જનતાની તરસ છીપાવનાર સરદાર સરોવર ડેમની જળસપાટીમાં વધારો થયો છે. આ વખતે વરસાદની ધમાકેદાર એન્ટ્રી થતા નર્મદા ડેમની જળ સપાટી એક જ દિવસમાં 50 સેન્ટિમીટર વધી છે. ગઇકાલે નર્મદા ડેમની જળસપાટી 119.10 મીટરે પહોંચી હતી. ઉપરવાસમાં ભારે વરસાદથી ડેમમાં પાણીની આવક થવા પામી છે. ડેમમાં 48 હજાર 864 ક્યુસેક પાણીની આવક થતા કેનાલ હેડ પાવરહાઉસનું એક યુનિટ કાર્યરત કરવામાં આવ્યુ હતું. મહત્વનું છે કે ગઇકાલે ડેમમાં 1 હજાર 89 મિલીયન ક્યુબિક મીટર જેટલું પાણી સંગ્રહિત હતું. જે આજે વધીને 1198 MCM થઈ ગયું છે.
8 જુલાઇએ 114.38 મીટરે પહોંચી હતી જળસપાટી
મહત્વનું છે કે, 8 જુલાઇના રોજ નર્મજા ડેમની જળસપાટી 114.38 મીટરે પહોંચી હતી. જેને લઇને CHPHના 2 પાવર હાઉસ ચાલુ કરાયા હતા. ડેમમાં 8 હજાર 558 કયુસેક પાણીની આવક જ્યારે ટોટલ આઉટફ્લો 8 હજાર 409 ક્યુસેક નોંધાયો હતો.