- વર્ષે ખાવા માટે 100 બિલિયન પશુ-પંખીઓની કતલ
- સૌથી વધુ ચિકનની કતલ, 19 અબજ
- 1.5 અબજ ગાયોને પણ મારી ખાવામાં આવે છે
દુનિયામાં માત્ર જીભના સ્વાદ ખાતર કરાતા પ્રાણીઓની કતલના આંકડા ખૂબ ચોંકાવનારા છે. દર વર્ષે 100 બિલિયન પશુ-પંખીઓને ખાવા માટે મારી નાખવામાં આવે છે અને હૈયુ કંપી જાય તેવા પ્રાણીઓને પણ લોકો મારી ખાય છે. દુનિયામાં મોટા પ્રમાણમાં માંસાહાર વધી રહ્યો છે તેનો આ જીવતો જાગતો પુરાવો છે.
સૌથી વધુ ચિકનની કતલ, 19 અબજ
દુનિયામાં વર્ષે ખાવા માટે કેટલા પ્રાણીઓ અને પશુઓની કતલ કરવામાં આવે છે તેના એક વીડિયોમાં ચોંકાવનારા આંકડા સામે આવ્યાં છે. સોશિયલ મીડિયામાં વાયરલ વીડિયોમાં દુનિયામા ખવાતા પશુ-પંખીઓ અને બીજા જીવજંતુઓના આંકડા આપવામાં આવ્યાં છે. ફાર્મમાં ઉછેરવામાં આવતા પશુ-પંખીઓ ચિકન (19 અબજ), ગાય (1.5 અબજ), ઘેટાં (1 અબજ) અને ડુક્કર (1 અબજ) છે. વાયરલ વીડિયો મુજબ, મરઘા સૌથી ટોપ પર છે. દૈનિક ગણતરી ખૂબ જ મોટી છે - દરરોજ 205 મિલિયન ચિકનને મારીને ખાઈ જવામાં આવે છે. દર મિનિટે 140,000 થી વધુ ચિકનની કતલ કરવામાં આવે છે.
કયા પ્રાણીઓની કેટલી સંખ્યા
ટોચ પરના અન્ય પ્રાણીઓમાં સાર્ડિન્સ (દર વર્ષે 14 અબજ), ઝીંગા (દર વર્ષે 3 અબજ), બતક (2.9 અબજ) અને હંસ (2.1 અબજ) નો સમાવેશ થાય છે. આશ્ચર્યની વાત એ છે કે દર વર્ષે બે અબજ ઓક્ટોપસ અને 100 મિલિયન શાર્કને પણ મારી ખાવામાં આવે છે. લગભગ 1.5 અબજ ડુક્કરોને મારી નાખવામાં આવે છે.
ભૂંડના માંસને બદલે સૌથી વધારે પ્રમાણમાં ચિકનનો ઉપયોગ
ભૂંડના માંસને બદલે સૌથી વધારે પ્રમાણમાં ચિકન ખવાય છે. ચિકન, બતક, હંસ, ટર્કી અને મરઘાંનો હિસ્સો માત્ર 12 ટકાથી વધીને વિશ્વભરમાં ખાવામાં આવતા તમામ માંસના ત્રીજા ભાગ સુધી પહોંચી ગયો છે. સૌથી લોકપ્રિય લાલ માંસ, બીફ, છેલ્લા 50 વર્ષમાં તેનો વૈશ્વિક હિસ્સો લગભગ અડધો થઈ ગયો છે, જે 22 ટકા થઈ ગયો છે.
