હેલ્થ / ચોમાસામાં આ સુપરફૂડ્સ ડાયટમાં કરી લો સામેલ, હેલ્થની સાથે સુંદરતા પણ ખીલી ઉઠશે

• ચોમાસામાં આરોગો આ સુપરફૂડ્સ 
• દરેક સિઝનમાં સ્કીનનું રાખો ધ્યાન
• હેલ્થ સાથે સુંદરતા પણ ખીલી ઉઠશે

દરેક સિઝનમાં સ્કીનનું ધ્યાન સૌથી વધારે રાખવું પડતું હોય છે. ઉનાળામાં ત્વચા ડ્રાય થઇ જાય છે ત્યારે તેને હાઇડ્રેટ કરવાની જરૂર પડે છે. 

જો તમે ડાઘ વગરની અને ચમકતી ત્વચા મેળવવા ઇચ્છો છો તો ચોમાસામાં એક્સફોલિએશન અને ક્લિંઝીંગ સાથે તમારા ડાયટ પર પણ ધ્યાન આપો. ચાલો જાણીએ કે ચોમાસામાં કઇ વસ્તુ ખાવાથી ત્વચા ચમકી ઉઠે છે. 

એલોવેરા

એલોવેરા જ્યુસ એક એવી વસ્તુ છે જે સ્વસ્થ ત્વચાની ગેરંટી આપે છે. એલોવેરામાં વિટામિન એ, બી, સી, ઇ અને ફોલિક એસિડ હોય છે જે ત્વચાને પોષણ આપે છે અને એલર્જીથી પણ બચાવે છે. 

વિટામિન સીયુક્ત ફળો

ખાટા ફળોમાં વિટામીન સી જોવા મળે છે, ત્વચાને સ્વસ્થ રાખવામાં વિટામીન સી મહત્વનો ભાગ ભજવે છે. વિટામીન સી કુદરતી રીતે ત્વચાને ચમકદાર બનાવે છે. 

મોરિંગા

મોરિંગા પાવડરને ગુણોનો ખજાનો માનવામાં આવ્યો છે. વજન ઘટાડવાની સાથે ત્વચા માટે પણ તે ફાયદાકારક છે. તેનો ઉપયોગ એન્ટી એજીંગ તરીકે પણ કરવામાં આવે છે. 

હળદર

હળદરને સૌથી વધારે હેલ્ધી મસાલો માનવામાં આવે છે. ભારતના દરેક રસોડામાં હળદર જોવા મળે છે. હળદરને ઇમ્યુનિટી બૂસ્ટર પણ કહેવામાં આવે છે. હળદરવાળુ દુધ પીવાની સાથે તેને ચહેરા પર લગાવવાથી પણ ચહેરો ચમકદાર બને છે.