હવામાન / જો તમે આ વિસ્તારમાં રહેતા હોવ તો ચેતી જજો, ગાજવીજ સાથે તોફાની વરસાદની છે આગાહી

• રાજ્યમાં વરસાદી માહોલ જામશે
• 2 વરસાદી સિસ્ટમ થઇ સક્રિય 
• સૌરાષ્ટ્ર અને દ.ગુજરાતમાં રહેશે વરસાદ

રાજ્યમાં વરસાદને લઇ હવામાન વિભાગની મોટી આગાહી સામે આવી છે. રાજ્યમાં મેઘમહેર યથાવત રહેવાની આગાહી કરવામાં આવી છે. ગઈકાલ મોડી સાંજથી રાજ્યભરમાં વરસાદ આવી રહ્યો છે. 2 વરસાદી સિસ્ટમ સક્રિય થતા તોફાની પવન સાથે વરસાદની આગાહી છે. 

માછીમારોને દરિયો ન ખેડવા વોર્નિંગ આપી દેવામાં આવી છે અને દરિયા કિનારે કરંટ જોવા મળી રહ્યો છે. 

કઈ તારીખે વરસાદનું જોર વધશે

16 સપ્ટેમ્બર બાદ વરસાદનું જોર વધી શકે છે. વરસાદનું જોર લૉ પ્રેશરના કારણે વધી શકે છે. 14 અને 15 સપ્ટેબરે સૌરાષ્ટ્ર અને દક્ષિણ ગુજરાતમાં વરસાદ રહેશે. 

ક્યાં ક્યાં પડશે વરસાદ? 

• દ્વારકા, ભરૂચ,નવસારી, સુરત, વલસાડમાં પણ વરસાદની આગાહી
• અમદાવાદ,ખેડા,ગાંધીનગર,વડોદરામાં વરસાદી ઝાપટા રહેશે
• મહેસાણા, પાટણ, બનાસકાંઠામાં પણ વરસાદી ઝાપટા પડશે
• વેરાવળ, ભાવનગર, અમરેલી, પોરબંદરમાં વરસાદની શક્યતા છે.