શોએબ અખ્તરે વર્લ્ડ કપમાં હાર બાદ કરી તૂટેલા દિલની ટ્વીટ
આ ટ્વીટ પર ભારતીય ખેલાડી મોહમ્મદ શમીએ આપ્યો જવાબ
ઈંગ્લેન્ડે પાકિસ્તાનનું વર્લ્ડ ચેમ્પિયન બનવાનું સપનું તોડી નાખ્યું છે. રવિવારે મેલબોર્નમાં રમાયેલી ફાઈનલ મેચમાં ઈંગ્લેન્ડે પાંચ વિકેટથી જીત મેળવીને T20 વર્લ્ડ કપ 2022નો ખિતાબ જીત્યો હતો. ફાઈનલના પરિણામ બાદ પાકિસ્તાનના ભૂતપૂર્વ ક્રિકેટરોની પ્રતિક્રિયા પણ આવી, જે સોશિયલ મીડિયા પર વાયરલ થઇ રહી છે.
શમીએ આપ્યો જવાબ
પાકિસ્તાનના પૂર્વ ફાસ્ટ બોલર શોએબ અખ્તરે વર્લ્ડ કપમાં હાર બાદ તૂટેલા દિલની ઈમોજી ટ્વીટ કરી હતી, જેનો જવાબ ભારતના ફાસ્ટ બોલર મોહમ્મદ શમીએ આપ્યો હતો, જે વાયરલ થયો હતો. મોહમ્મદ શમીએ લખ્યું કે "સોરી બ્રધર, ઇટ્સ કોલ કર્મા".
શોએબે ભારતની હારની ઉજવણી કરી હતી
તમને જણાવી દઈએ કે વર્લ્ડ કપ દરમિયાન શોએબ અખ્તર સતત ટીમ ઈન્ડિયાની ટીકા કરી રહ્યો હતો અને સેમીફાઈનલમાં ટીમ ઈન્ડિયાની હારની ઉજવણી કરી હતી. આવી સ્થિતિમાં, જ્યારે પાકિસ્તાન ફાઇનલમાં હારી ગયું, ત્યારે મોહમ્મદ શમીએ પણ તેમના પર એવો કટાક્ષ કર્યો જે વાયરલ થયો. થોડી જ મિનિટોમાં મોહમ્મદ શમીના આ ટ્વીટને હજારો રીટ્વીટ અને લાખો લાઈક્સ મળી ગયા અને આ નિવેદન પણ ટ્રેન્ડ થવા લાગ્યું. મોહમ્મદ શમીના આ ટ્વીટને યુઝર્સે પણ એન્જોય કર્યું.
T20 વર્લ્ડ કપની ફાઇનલમાં શું થયું?
રવિવારે મેલબોર્નમાં રમાયેલી ફાઈનલ મેચમાં પ્રથમ બેટિંગ કરતા પાકિસ્તાને 137 રન બનાવ્યા હતા. પાકિસ્તાન માટે માત્ર બાબર આઝમ (32) અને શાન મસૂદ (38) રનની મોટી ઈનિંગ્સ રમી શક્યા, તેમના સિવાય કોઈ કઈ ખાસ કરી શક્યું નહીં. બીજી તરફ, બેન સ્ટોક્સ (અણનમ 52) એ સેમ કરનની આગેવાની હેઠળ ઇંગ્લેન્ડ માટે અડધી સદી ફટકારી હતી કારણ કે ઇંગ્લેન્ડે રવિવારે અહીં T20 વર્લ્ડ કપ 2022ની રોમાંચક ફાઇનલમાં પાકિસ્તાનને પાંચ વિકેટથી હરાવી બીજી વખત ચેમ્પિયન બન્યું હતું.