કચ્છમાં ગેરકાયદેસર ખનન પ્રવૃત્તિ કરનારા સામે ખાણ ખનીજ વિભાગની કાર્યવાહી, ભૂ માફિયા થઇ ગયા દોડતા, પોલીસે મુદ્દામાલ કર્યો કબ્જે
કચ્છમાં ખાણ-ખનીજ વિભાગની કાર્યવાહી
સુરજબારી નજીક ગેરકાયદે ખનન પર દરોડા
35થી 40 ગેરકાયદે ખનીજ ભરેલી ટ્રકો ઝડપાઇ
ગુજરાતમાં ગેરકાયદેસર ખનન પ્રવૃત્તિ ઠેર ઠેર ચાલી રહી છે. ક્યાંક રેતી ખનન તો ક્યાંક ખનીજ મેળવવા ગેરકાયદેસર ખનન પ્રવૃત્તિ થઇ રહી છે તેવામાં કચ્છમાં ખાણ-ખનીજ વિભાગે ગેરકાયદે ખનન પર દરોડા પાડ્યા. સુરજબારી દરોડા પાડતા ખનીજ ભરેલી 35થી 40 ટ્રકો ઝડપાઇ.
35થી40 ખનીજ ભરેલી ટ્રકો ઝડપાઇ
કચ્છમાં ખાણ ખનીજવિભાગને સુરજબારી નજીક ગેરકાયદે ખનન પ્રવૃત્તિ થતી હોવાની બાતમી મળી હતી. આ બાબતે જ્યારે દરોડા પાડવામાં આવ્યા તો સ્થળ પરથી 35થી 40 ગેરકાયદેસર ખનીજ ભરેલી ટ્રકો ઝડપાઇ હતી. ખાણ ખનીજની કાર્યવાહીથી ભૂમાફિયાઓ ફરાર થઇ ગયા. ખનીજનો જથ્થો બહાર ફેંકીને ભૂમાફિયાઓ દોડતા થઇ ગયા હતા.
બનાસકાંઠામાં ભૂસ્તર વિભાગે બોલાવ્યો સપાટો
આ તરફ બુધવારના રોજ બનાસકાંઠાના ડીસા તાલુકાના કૂંપટ ગામે ભૂસ્તર વિભાગે મોટી રેડ પાડી હતી. ડ્રોન કેમેરાની મદદથી નદીમાં થતી ખનીજ ચોરી ઝડપી પાડીને કુલ 1.60 કરોડનો મુદા માલ જપ્ત કર્યો.હિટાચી, ટ્રેકટર, ડમ્પર સહિત 9 જેટલા વાહનો કબ્જે કર્યા. ભૂસ્તર શાસ્ત્રી સુભાષ જોષીએ કડક કાર્યવાહી કરતા ભૂ માફિયાઓમાં ફફડાટ જોવા મળ્યો હતો.
ગ્રામજનોએ કરી હતી જનતારેડ
જૂનાગઢના માળીયામાં ખનીજ ચોરી અટકાવવા માટે ગ્રામજનોએ જનતા રેડ રેડ કરી હતી. માણીયાના ધાણેજ ગામમાં ગૌચરની જમીન પર ખનીજની ચોરી થઇ રહી હતી. જેને લઇ સરપંચ અને ગ્રામપંચાયતના સભ્યોને સાથે રાખીને જનતા રેડ કરવામાં આવી હતી. આ રેડ દરમિયાન 1 JCB અને 3 ટ્રેક્ટર જપ્ત કરાયાં હતા. પોલીસને ઘટનાની જાણ થતાં પોલીસે ગુનો નોંધીને આગળની કાર્યવાહી હાથધરી હતી.