રાહત / લૉકડાઉન બાદ ચીનમાં રાબેતા મુજબ થયું જનજીવન, 2 દિવસમાં આટલી મોટી સંખ્યામાં લોકોએ પર્યટન સ્થળોની લીધી મુલાકાત

• ચીનમાં સામાન્ય થયું જનજીવન
• લોકડાઉન બાદ લોકો નીકળ્યા ઘરની બહાર
• 2 દિવસમાં 10 લાખ લોકોએ લીધી પર્યટન સ્થળોની મુલાકાત

પર્યટન સ્થળોએ જામી લોકોની ભીડ

અહીંયા પણ ટૂરિઝમમાં ઝડપથી વધારો થયો છે. એક અહેવાલ મુજબ મે મહિનાના પહેલા બે દિવસમાં આશરે 10 લાખ લોકોએ શાંઘાઈ શહેરની મુલાકાત લીધી હતી. ચીનની સરકારે May Day નિમિત્તે કેટલાક પર્યટક સ્થળો ખોલવાનો આદેશ આપ્યા પછી 1 મે અને 2 મેના રોજ 466,000 લોકો અહીં પહોંચ્યા હતા.

સ્થાનિક પર્યટનને થઈ આટલી મોટી આવક

પાંચ દિવસીય રજાના પ્રથમ બે દિવસમાં 50 લાખથી વધુ લોકો ચીનનો પ્રવાસ કરી રહ્યા હોવાનું જાણવા મળ્યું છે. મળતી માહિતી અનુસાર મંગળવારે રજાના અંત સુધીમાં અંદાજે 90 લાખ યાત્રાઓ પૂરી થવાની ધારણા છે. સંસ્કૃતિ અને પર્યટન મંત્રાલય (એમસીટી) અનુસાર, રજાના પહેલા દિવસે શુક્રવાર સુધીમાં 23 લાખ સ્થાનિક  પ્રવાસીઓએ મુલાકાત લીધી હતી. જેમાં સ્થાનિક પર્યટનની આવક 9.7 અબજ યુઆન (આશરે 1.38 અરબ ડૉલર) થી વધુ છે.

હાલમાં કુલ 70 ટકા પર્યટન સ્થળો ખોલાયા

સ્થાનિક પર્યટન વધ્યા બાદ, ચીને તેના રોગચાળાના કટોકટીના પ્રતિભાવને સૌથી ગંભીરથી બીજા અથવા નીચલા કેટેગરીમાં ઘટાડ્યો. મંત્રાલયે જણાવ્યું હતું કે શુક્રવારે દેશભરમાં કુલ 8,498 એ-લેવલ પર્યટક આકર્ષણો જાહેર જનતા માટે ખુલી ગયા હતા, જેમાં કુલ 70 ટકા આવરી લેવામાં આવ્યા છે.

જો આપણે ચીનમાં કોરોનાની અસર વિશે વાત કરીએ તો, ચીની માહિતી અનુસાર, ત્યાં કોરોના વાયરસથી સંક્રમિત 82877 લોકો હતા અને 4633 લોકો મૃત્યુ પામ્યા હતા.