- માઈક્રોસોફ્ટના સૉફ્ટવેર એન્જિનિયરે બનવુ પડ્યુ ડ્રાઈવર
- તે માત્ર નવા લોકો સાથે વાતચીત કરવા માટે બાઈક ચલાવે છે
- માઈક્રોસૉફ્ટમાં સૉફ્ટવેર એન્જિનિયરની પોઝીશન પર કામ કરે છે
નવા લોકોને મળવા માટે એન્જિનિયર ચલાવે છે રેપિડો બાઈક
કોર્પોરેટ સેક્ટરમાં નોકરી કરનારા કર્મચારી એક સમય બાદ પોતાના ડેલી રૂટીનથી કંટાળી જાય છે. દરરોજ સવારે ઉઠવુ, ઓફિસે જવુ, પછી પાછુ ફરવુ અને ખાવાનુ ખાઈને ઉંઘી જવુ. કર્મચારીઓ માટે આ રૂટીન બોરિંગ હોવાની સાથે-સાથે માનસિક દબાણ આપનારું પણ હોઇ શકે છે. એવામાં કર્મચારીઓ પોતાની એકલતાને દૂર કરવા માટે અલગ-અલગ પ્રકારના ઉપાય કરે છે. કોઈ પોતાની એકલતાથી છૂટકારો મેળવવા માટે રજા પર જતા રહે છે, તો કોઈ જિમ જવાનુ શરૂ કરી દે છે. આ ઉપરાંત ઘણા લોકો કેમ્પિંગ, હાઈકિંગ અથવા પાર્ટી કરવાનો સહારો લે છે, કારણકે તેની એકલતા દૂર થઇ શકે.
એન્જિનિયરનો ડ્રાઈવર તરીકે કામ કરવાનો નિર્ણય અચરજભર્યો
જો કે, બેંગ્લોરના એક વ્યક્તિએ માઈક્રોસૉફ્ટ જેવી દિગ્ગજ કંપનીમાં કામ કરનારા એક વ્યક્તિને એવી ઘટના સંભળાવી છે, જેને જાણીને તમે હેરાન રહી જશો. નિખિલ શેઠ નામના એક ટ્વવિટર યુઝરે ટ્વિટ કરી ગજબ કહાનીને શેર કરી છે. નિખિલે જણાવ્યું કે બેંગ્લોરમાં એક એવો રેપિડો ડ્રાઈવર છે, જે માત્ર નવા લોકો સાથે વાતચીત કરવા માટે ડ્રાઈવર તરીકે કામ કરે છે. માઈક્રોસોફ્ટ જેવી કંપનીમાં કામ કરનારા માણસ ડ્રાઈવર તરીકે કામ કરવાનો નિર્ણય અચરજભર્યો લાગે છે. ઉપરથી ડ્રાઈવરના રૂપમાં કામ કરવાનુ કારણ વધુ હેરાન કરનારું છે, કારણકે માઈક્રોસૉફ્ટમાં સૉફ્ટવેર એન્જિનિયર તરીકે કામ કરનારા માણસનો પગાર લાખોમાં હોય છે.
માઈક્રોસૉફ્ટ એન્જિનિયર નિકળ્યો ડ્રાઈવર
ખરેખર, એક દિવસ નિખિલે ક્યાક જવા માટે રેપિડો બુક કરાવી અને તેને પિક કરવા માટે આવેલા ડ્રાઈવર સાથે તે નિકળી પડ્યો. રસ્તામાં તેણે પોતાના ડ્રાઈવર સાથે વાતચીત કરી. આ દરમ્યાન તેને ખબર પડી કે તેનો ડ્રાઈવર ભણેલો-ગણેલો એન્જિનિયર છે, જે બેંગ્લોરમાં માઈક્રોસૉફ્ટમાં સૉફ્ટવેર એન્જિનિયરની પોઝીશન પર કામ કરે છે. નિખિલે ટ્વિટ કર્યુ, મારો રેપિડો ડ્રાઈવર માઈક્રોસૉફ્ટમાં SDET છે. તેમણે મને જણાવ્યું કે તે માત્ર નવા લોકો સાથે વાતચીત કરવા અને હૉબીરૂપે વીકેન્ડ દરમ્યાન બાઈક ચલાવે છે. નિખિલ શેઠની આ કહાની હવે ઈન્ટરનેટ પર વાયરલ થઇ રહી છે.
