હવામાન નિષ્ણાંત અંબાલાલ પટેલ દ્વારા વરસાદના નવા રાઉન્ડ અંગે આગાહી કરવામાં આવી છે, જેમાં 7થી 12 જુલાઈ વચ્ચે ભારેથી અતિભારે વરસાદ નોધાઇ તેવું જણાવ્યું છે.
Share
ગુજરાતમાં આગામી 7થી 12 જુલાઈ વચ્ચે ભારેથી અતિભારે વરસાદ
હવામાન નિષ્ણાંત અંબાલાલ પટેલે કરી આગાહી
કેટલાક જિલ્લાઓમાં એલર્ટ
ફરી એકવાર ગુજરાતમાં મેઘરાજા ધળબળાટી બોલાવશે એવી આગાહી હવામાન નિષ્ણાંત અંબાલાલ પટેલે કરી છે. ગુજરાતમાં આગામી 7થી 12 જુલાઈ વચ્ચે ભારેથી અતિભારે વરસાદ પડશે. તો કેટલાક સ્થળોએ તો પૂરની સ્થિતિ પણ સર્જાઈ શકે તેવી આગાહી અંબાલાલ પટેલે કરી છે. ભારે વરસાદની આગાહી વચ્ચે હવામાન વિભાગે કેટલાક જિલ્લાઓમાં એલર્ટ પણ જાહેર કર્યું છે. તો દક્ષિણ અને ઉત્તર ગુજરાતમાં સૌથી વધુ વરસાદ ખાબકશે તેવું અનુમાન લગાવવામાં આવ્યું છે.
સૌરાષ્ટ્રના દરિયા કિનારના ભાગમાં પણ ભારે વરસાદ પડવાની શક્યતાઓ
પ્રાપ્ત વિગત મુજબ રાજ્યમાં આગામી 7થી 12 જુલાઈ વચ્ચે ભારેથી અતિભારે વરસાદની આગાહી કરવામાં આવી છે. અંબાલાલ પટેલના જણાવ્યા પ્રમાણે ખાસ ઉત્તર ગુજરાત, મધ્ય ગુજરાતમાં અતિભારે વરસાદ રહેશે, દક્ષિણ ગુજરાતમાં પણ ભારેથી અતિભારે વરસાદ થઈ શકે છે. તો ભારે વરસાદના કારણે કેટલાક ભાગમાં પૂરની સ્થિતિ સર્જાઈ શકે છે. તો સૌરાષ્ટ્રના દરિયા કિનારના ભાગમાં પણ ભારે વરસાદ પડવાની શક્યતાઓ છે. પશ્ચિમ સૌરાષ્ટ્ર તથા કચ્છના ભાગમાં ભારેથી અતિભારે વરસાદ પડવાની આગાહી કરવા આવી છે.
આણંદમાં 4-4 ઈંચ વરસાદની શક્યતા
અંબાલાલ પટેલે આગાહી કરી છે કે બનાસકાંઠામાં 8 ઈંચથી વધુ, પાટણ, મહેસાણા, વડોદરા, આણંદમાં 4-4 ઈંચ વરસાદની શક્યતા સેવાઈ રહી છે. તો વલસાડ, નવસારી, સુરત, ડાંગમાં 15 ઈંચથી વધુ વરસાદની આગાહી કરવામાં આવી છે. ઉલ્લેખનીય છે કે ભારે વરસાદની આગાહીની અસર જોવા રાજ્યના વાતાવરણમાં જોવા મળી રહી છે. દેવભૂમિ દ્વારકા પટ્ટી પર વરસાદની શરૂઆત થઇ ચુકી છે. આ સિવાય અન્ય જિલ્લાઓમાં વાદળછાયુ વાતાવરણ જોવા મળી રહ્યું છે.
