નેશનલ હેરાલ્ડ કેસમાં સોમવારે રાહુલ ગાંધી પૂછપરછ માટે ED સમક્ષ હાજર થવાના છે. કોંગ્રેસ દિલ્હીમાં વિશાળ તાકાત પ્રદર્શન સિવાય દેશભરમાં પ્રદર્શન કરી શકે છે
નેશનલ હેરાલ્ડ કેસમાં કોંગ્રેસની મોટી તૈયારી
આવતીકાલે દેશભરમાં કરી શકે છે પ્રેસ કોન્ફરન્સ
તમામ સાંસદોને 13 જૂને પાર્ટી કાર્યાલયે બોલાવાયા
નેશનલ હેરાલ્ડ કેસમાં સોનિયા ગાંધી અને રાહુલ ગાંધીને મોકલવામાં આવેલી નોટિસ પર કોંગ્રેસ આવતીકાલે રાષ્ટ્રવ્યાપી પ્રેસ કોન્ફરન્સની તૈયારી કરી રહી છે. નોંધનીય છે કે, સોમવારે રાહુલ ગાંધી પૂછપરછ માટે ED સમક્ષ હાજર થવાના છે. આ દિવસે દિલ્હીમાં વિશાળ તાકાત પ્રદર્શન સિવાય કોંગ્રેસ દેશભરમાં પ્રદર્શન કરી શકે છે.
કોંગ્રેસે તમામ સાંસદોને 13 જૂને પાર્ટી કાર્યાલયે બોલાવાયા
કોંગ્રેસે તમામ સાંસદોને 13 જૂનની સવારે એટલે કે, ED સમક્ષ રાહુલ ગાંધીની હાજરી પહેલા પાર્ટી હેડક્વાર્ટર પહોંચવા કહ્યું છે. સૂત્રોના જણાવ્યા અનુસાર, સાંસદો સિવાય પાર્ટીના તમામ વરિષ્ઠ નેતાઓ રાહુલ ગાંધી સાથે ED ઓફિસ સુધી કૂચ કરી શકે છે. માનવામાં આવી રહ્યું છે કે સોમવારે કોંગ્રેસ દિલ્હી સિવાય દેશભરમાં રસ્તા પર ઉતરી શકે છે.
કોરોના સંક્રમિત થતાં સોનિયા ગાંધી ED સમક્ષ હાજર નહોતા થયા
કોરોના સંક્રમણને કારણે બુધવારે કોંગ્રેસ અધ્યક્ષ સોનિયા ગાંધી ED સમક્ષ હાજર થઈ શક્યા ન હતા. સૂત્રોના જણાવ્યા અનુસાર કોંગ્રેસ અધ્યક્ષ સોનિયા ગાંધીએ ED સમક્ષ હાજર થવા માટે ત્રણ સપ્તાહનો સમય માંગ્યો છે. નોંધનીય છે કે, અગાઉ, નેશનલ હેરાલ્ડ કેસમાં મની લોન્ડરિંગના આરોપો હેઠળ પૂછપરછ માટે સોનિયા ગાંધી અને રાહુલ ગાંધીને નોટિસ મળ્યા બાદ, કોંગ્રેસે મોદી સરકાર પર રાજકીય બદલો લેવાનો આરોપ મૂક્યો હતો અને કહ્યું હતું કે મની લોન્ડરિંગના આરોપો પાયાવિહોણા છે.