યુક્રેની શ્વાન / યુક્રેનની સેનાનો હીરો બન્યો એક શ્વાન, બચાવ્યા સેંકડો લોકોના જીવ, બદલામાં રાષ્ટ્રપતિ ઝેલેન્સકીએ શું કર્યું જુઓ

• રશિયાની વિરુદ્ધ યુદ્ધ નાયક બન્યું યુક્રેની શ્વાન
• દેશ માટે સાહસ અને વીરતાનો પરિચય આપ્યો
• શ્વાનની સેવાના માધ્યમથી અસંખ્ય લોકોના જીવ બચ્યાં

કીવથી એક પ્રેમાળ યુદ્ધ નાયક શ્વાન સામે આવ્યું

ત્રણ મહિનાથી ચાલી રહેલા યુદ્ધ વચ્ચે કીવથી એક પ્રેમાળ યુદ્ધ નાયક શ્વાન સામે આવ્યું છે. જેણે પોતાના દેશ માટે સાહસ અને વીરતાનો પરિચય આપી મિસાલ કાયમ કરી છે. સરાહનીય સેવાના માધ્યમથી આ શ્વાને અસંખ્ય લોકોના જીવ બચાવ્યાં છે. અમે વાત કરી રહ્યાં છે યુક્રેનના સ્નિફિંગ ડૉગ પૈટ્રનની. રશિયા આક્રમણ વચ્ચે પેટ્રને અનેક લેન્ડ માઇન બોમ્બ શોધી કાઢ્યા છે અને જોખમ પગેલા યુક્રેની સેનાને સંતર્ક કરી દીધી. પૈટ્રનને યુક્રેની રાષ્ટ્રપતિ વલોડિમીર જેલેન્સ્કીએ મેડલથી નવાજ્યુ છે. 

યુદ્ધ નાયક

રાષ્ટ્રપતિ વલોડિમીર જેલેન્સ્કીએ હાલમાં કેનેડાના વડાપ્રધાન જસ્ટિન ટ્રુડોના યુક્રેન પ્રવાસ દરમ્યાન પૈટ્રન અને તેના સંરક્ષકને મેડલથી નવાજ્યા છે.

શોધી કાઢ્યા 200થી વધુ બોમ્બ

જેક રસેલ ટેરિયર બ્રીડના સ્નિફર ડૉગ પૈટ્રનને 200થી વધુ લેન્ડ માઇન બોમ્બ શોધી કાઢ્યા છે. પૈટ્રનને 24 ફેબ્રુઆરીથી શરૂ થયેલા યુદ્ધ બાદથી ઘણા હુમલાને રોકવાનો શ્રેય આપવામાં આવ્યો છે. 

પૈટ્રન માટે પાડવામાં આવી તાળી

વાસ્તવિક જીવનના સુપરહીરો પૈટ્રનને જ્યારે મેડલથી નવાજવામાં આવ્યો હતો ત્યારે તેણે ભસીને અને પોતાની પૂંછડીને હલાવીને બધાનુ દિલ જીતી લીધુ. પૈટ્રનની ક્યુટનેસ જોઇને ત્યાં ઉપસ્થિત રહેલા લોકો હસી પડ્યા. ટ્રુડોએ પણ પૈટ્રનના ખૂબ વખાણ કર્યા.