આજે દવા નહીં મળે દેશભરના મેડિકલ સ્ટોર આજે બંધ

આજે તમને દવા મેળવવા હાલાકીનો સામનો કરવો પડી શકે છે. કેમ કે આજે દેશભરમાં મેડિકલ સ્ટોર બંધ રહેવાની છે. આ બંધનું એલાન એક દિવસનું છે. દવાના ઓનલાઈન વેચાણના વિરોધમાં તમામ મેડિકલ સ્ટોર્સે બંધનું એલાન કર્યુ છે. જે અંતર્ગત રાજ્યના 22 હજાર મેડિકલ સ્ટોર્સ બંધ રહેશે જ્યારે અમદાવાદના 2700 મેડિકલ સ્ટોર્સ બંધ રહેશે. 

દવાની દુકાનના માલિકોનો વિરોધ ઓનલાઇન થઇ રહેલા દવાના વેચાણને લઇને છે. વેપારીઓનું માનવું છે કે ઓનલાઇન દવાના વેચાણને લઇને તેમના ધંધા પર અસર પડે છે. સાથે જ દવાઓનો ખોટો ઉપયોગ અને નકલી દવાઓના વેચાણને પ્રોત્સાહન આપનારો છે. આ મામલાને લઇને ઓલ ઇન્ડિયા ઓર્ગેનાઇઝેશન ઓફ કેમિસ્ટ્સ એન્ડ ડ્રગિસ્ટસના કહેવા પ્રમાણે તેમણે સરકારને કેટલાક પ્રસ્તાવ મોકલ્યા હતા. પરંતુ તેને સાંભળવામાં ન આવ્યા.