VTV રિયાલિટી ચેક / માવઠાની આગાહીને પગલે ગુજરાત ભરના માર્કેટ યાર્ડ એલર્ટ! તો ક્યાંક કોઈ જ તૈયારી નહીં તેવાં દ્રશ્યો સર્જાયા

• રાજ્યમાં માવઠાની આગાહીને પગલે માર્કેટયાર્ડ સતર્ક
• APMC  દ્વારા ખેડૂતોને કરાઈ અપીલ
• પાક પર પ્લાસ્ટિક કે તાડપત્રી ઢાંકવા કરાઈ અપીલ
• અમુક માર્કેટયાર્ડમાં જણસીની આવક બંધ કરાઈ

 હવામાન વિભાગ દ્વારા માવઠાની આગાહી કરવામાં આવી છે.  પાટણ APMC માં VTVના રિયાલિટી ચેક કરવામાં આવ્યું હતું. જેમાં પાટણ  APMC માં માવઠાની આગાહી પગલે  APMC ની કોઈ તૈયારી કરવામાં આવી નથી. હવામાન વિભાગ દ્વારા તા. 24 થી 27 સુધી વરસાદની આગાહી કરી છે.  APMC માં મોટા પ્રમાણમાં કપાસનો જથ્થો ખુલ્લામાં જોવા મળ્યો હતો. ત્યારે જો માવઠું પડે તો ખેડૂતોને મોટું નુકશાન થઈ શકે છે. 

25થી 27 નવેમ્બર વચ્ચે માવઠાની આગાહી 
રાજકોટ  APMC ની પણ બેદકારી બહાર આવવા પામી હતી. બેડી માર્કેટિંગ યાર્ડમાં મગફળી ખુલ્લામાં પડેલી જોવા મળી હતી. ખેડૂતોની મગફળીને ખસેડવાની તસ્દી ન લેવાઈ હતી. 25 થી 27 નવેમ્બર વચ્ચે હવામાન વિભાગ દ્વારા માવઠાની આગાહી કરવામાં આવી છે. માવઠાની તૈયારી ન કરાતા નુકશાનની આશંકા છે. માવઠાની પૂર્વ તૈયારીઓનાં દાવા પોકળ સાબિત થઈ રહ્યા છે. 

હાપા માર્કેટયાર્ડમાં મગફળી અને મરચાની આવક બંધ કરવામાં આવી 
જામનગરમાં સંભવિત માવઠાની આગાહીનાં પગલે Vtv ન્યુઝ દ્વારા કરવામાં આવ્યું રિયાલિટી ચેક કરવામાં આવ્યું હતું. ત્યારે માવઠાને લઈ  હાપા માર્કેટ યાર્ડ દ્વારા નિર્ણય કરવામાં આવ્યો છે. હાપા માર્કેટયાર્ડમાં મગફળી અને મરચાની આવક બંધ કરવામાં આવી છે. તેમજ યાર્ડમાં ખુલ્લા પ્લેટફોર્મ પર ઉતરતી મગફળી અને મરચાની જણસીની આવક બંધ કરવામાં આવી છે. નવી જાહેરાત ન કરાય ત્યાં સુધી આવક બંધ કરવામાં આવી છે. જો વરસાદ આવે અને ખુલ્લા પ્લેટફોર્મ પર જણસીઓ પલળી જાય તેની તકેદારીનાં ભાગરૂપે નિર્ણય લેવાયો છે. હાપા યાર્ડમાં હાલે ઉપસ્થિત જણસીઓની હરાજી રાબેતા મુજબ ચાલુ રહેશે. 

આગામી સપ્તાહમાં માવઠાની આગાહીથી ઊંઝા APMC માર્કેટ યાર્ડ સતર્ક
આગામી સપ્તાહમાં માવઠાની આગાહીથી ઊંઝા APMC માર્કેટયાર્ડ સતર્ક છે. ઊંઝા APMC દ્વારા માવઠાની આગાહીને લઈ સાવચેતીનાં સૂચનો કરાયા હતા. વેપારીઓ અને ખેડૂતોને માવઠાથી સાવચેતીનાં પગલાનું સૂચન કર્યું હતું. મહેસાણા જીલ્લામાં 25 થી 28 નવેમ્બર સુધી વાદળછાયું વાતાવરણ રહેવાની શક્યતા છે. ત્યારે 26 નવેમ્બરે વેસ્ટર્ન ડિસ્ટર્બન્સને કારણે વરસાદની પણ શક્યતાઓ છે. 

પાકને તાડપત્રી કે પ્લાસ્ટિક ઢાંકીને માર્કેટયાર્ડમાં લાવવા કરાઈ અપીલ
અમરેલી જીલ્લામાં કમોસમી વરસાદની આગાહીને પગલે બાબરા માર્કેટ યાર્ડે સતર્કતા દાખવી છે. ખેડૂતોની જણસી ન પલળે તે માટે યાર્ડમાં રહેલ પાકને માર્કેટયાર્ડમાં લાવતા પહેલા તાડપત્રી કે પ્લાસ્ટિક ઢાંકીને લાવવા અપીલ કરાઈ છે. વેપારીઓનો માલ ન બગડે તે માટે માલને ઢાંકીને રાખવા સૂચના કરવામાં આવી છે.