Mangal Gochar 2021 / કર્ક રાશિમાં થયો મંગળનો ગોચર, આવનારા 48 દિવસ આ 7 રાશિના લોકો માટે રહેશે મુશ્કેલ

• કર્ક રાશિમાં થયો મંગળનો ગોચર
• 20 જુલાઈ સુધી આ રાશિમાં રહેશે મંગળ
• આવનારા 48 દિવસ આ 7 રાશિઓ માટે રહેશે મુશ્કેલ

મંગળને ઉર્જા, ભૂમિ, સાહસ, શક્તિ, પરાક્રમનો કારક માનવામાં આવે છે. જ્યોતિષના અનુસાર કુંડળીમાં મંગળની સ્થિતિ અનુકૂળ હોય તો વ્યક્તિ સાહસી અને નીડર બને છે. મંગળ પ્રતિકૂળ હોય તો વૈવાહિક જીવનમાં મુશ્કેલીઓ અને ચેલેન્જ કાયમ રહે છે. મંગળનું 2 જૂને થયેલો ગોચર 20 જુલાઈ સુધી રહેશે અને તેનાથી 7 રાશિના લોકોને નુકસાન થશે. 

મિથુન
આ ગોચરના કારણે તમે તમારા કાર્યો કે શબ્દોથી કોઈને મુશ્કેલી આપી શકો છો. તમારી વાણી પર નિયંત્રણ રાખો અને સાથે ધન ઉધાર આપવા માટે કે ઉધાર આપવાથી બચો. નોકરી કરનારા લોકોને પ્રગતિની શક્યતા ઓછી છે. જેના કારણે તમે મુશ્કેલી અનુભવી શકો છો. તમારા પ્રતિસ્પર્ધી તમારી છબિ ખરાબ કરવાની કોશિશ કરી શકે છે. 

કર્ક
મંગળનો ગોચર તમારી રાશિમાં બની રહ્યો હોવાના કારણે તમે માનસિક તણાવ અનુભવી શકો છો. તમે સ્વભાવે આક્રમક રહી શકો છો અને સાથે ગુસ્સા પર નિયંત્રણ રાખો તે જરૂરી છે. આ ગોચર તમારા માટે ધનની સાથે સાથે વ્યાવસાયિક વૃદ્ધિ માટે અનુકૂળ રહેશે. આર્થિક રીતે આ સમય તમારા માટે સામાન્ય રહેશે કેમકે તમારી પાસે ધન ધીમી ગતિએ આવશે. દામ્પત્ય જીવનમાં અસમંજસની સ્થિતિ જન્મી શકે છે. સ્વાસ્થ્યને લઈને સતર્ક રહેવાની જરૂર છે. વાહન ચલાવતી સમયે દુર્ઘટનાનો શિકાર બની શકો છો તો સાવધાન રહો. 

સિંહ
આ ગોચરના સમયે તમે અનિશ્ચિતતાઓ અને કામને લઈને ચિંતા અનુભવી શકો છો. આ ગોચરના સમયે ભારે રોકાણ કરવાનું ટાળો તે જરૂરી છે. શિક્ષા માટે વિદેશ યાત્રા સક્ય બની શકે છે. આ સાથે સ્વાસ્થ્ય ખરાબ રહેવાના કારણે તમારા પર દવાનો ખર્ચ વધી શકે છે. જીવનસાથીના સ્વાસ્થ્યને લઈને સાવધાની રાખવાની જરૂર છે. વ્યાવસાયિક રીતે તમારી યોગ્યતા સાબિત કરવા માટે પ્રયાસ કરવાની જરૂર છે. ઓફિસમાં વિવાદથી દૂર રહેવાની સલાહ અપાઈ છે. 

કન્યા
આ ગોચર કન્યા રાશિના લોકો માટે અનુકૂળ નથી. આ સમયે તમે કેટલાક નકારાત્મક પ્રભાવનો સામનો કરે તે શક્ય છે. આર્થિક રીતે તમારા ખર્ચા વધી શકે છે. માનસિક રીતે પણ પરેશાન રહી શકો છો. નોકરીમાં પરિવર્તન કરવાનું ટાળો અને કારોબાર સાથે જોડાયેલા જાતકો માટે આ ગોચર અનુકૂળ રહેશે. તમે રોકાણથી બચો અને નફો મળવાની શક્યતા ઓછી છે તે ધ્યાન રાખો. 

તુલા
આ સમયે કામમાં ધ્યાન લગાવશો અને નોકરીમાં સર્વશ્રેષ્ઠ આપવાની કોશિશ કરશો. ભાગ્યના ભરોસે ન રહો. કાર્યક્ષેત્રમાં દબાણ અને ચિંતા વધી શકે છે.કરિયર અને બિઝનેસમાં પ્રતિકૂળ સ્થિતિનો સામનો કરવો પડી શકે છે. આર્થિક સ્થિતિ સામાન્ય રહેશે. પ્રેમ સંબંધમાં આ રાશિના લોકોને સમસ્યા રહેશે. 

વૃશ્વિક
મંગળના આ ગોચરમાં તમારા શારિરીક અને માનસિક તાણનો અનુભવ વધી શકે છે. આ સમયે ભાગ્યનો સાથ મળશે નહીં અને લક્ષ્ય પ્રાપ્ત કરવામાં મહેનત કરવી પડશે. નાણાંકીય સમસ્યાઓ દૂર થશે અને સાથ સામાન્ય માણસે મહેનત કરવી પડશે. પિતાની સાથેનો સંબંધ બગડી શકે છે. સ્વાસ્થ્ય અસ્થિર રહેશે. વિરોધીઓ અને પ્રતિદ્વંદીઓ ચિંતાનુ કારણ બની શકે છે. કુલ મળીને તમામ રીતે સાવધાની રાખવાની જરૂર છે. 

ધન
આ રાશિના લોકોએ ખૂબ જ સાવધાની રાખવાની જરૂર છે. આ સમયે સાચા અને ખોટાની ઓળખ કરવી જરૂરી છે. તમે સક્ષમ છો. કાર્યમા મહેનત કરવી પડી શકે છે. આ સમયે ખોટા ખર્ચથી બચો. આ ગોચર તમારા માટે સંઘર્ષ લાવ્યો છે. સાથી સાથે મતભેદ થઈ શકે છે. સ્વાસ્થ્યને લઈને સતર્ક રહેવાની જરૂર છે. થોડી મુશ્કેલીઓનો સામનો કરવો પડી શકે છે.