હત્યા કેસ / ચોંકાવનારો કિસ્સો : ડીનરમાં માત્ર આ એક વસ્તુ ન મળી તો પતિએ પત્નીને પતાવી દીધી

• માત્ર પત્ની જ નહીં, દીકરા પણ પર હુમલો કર્યો
• સાવ નજીવી બાબતમાં કરી નાખી હત્યા 
• હુમલો કરવા માટે મોડી રાત્રે આવ્યો ઘરે  

માત્ર પત્ની જ નહીં, દીકરા પણ પર હુમલો કર્યો 
ઉત્તર પ્રદેશના શામલી ગામમાં આ અજીબો ગરીબ ઘટના બની હતી. એક પતિએ ગુસ્સામાં આવીને પોતાની પત્નીને મોતને ઘાટ ઉતારી દીધી. પણ આ હત્યા પાછળનું કારણ જાણીને તમે પણ ચોંકી જશો. વાત માત્ર એવી હતી કે પત્ની બીજી હોવાથી પોતાના પતિને જમવામાં સલાડ ના આપી શકી. 

સાવ નજીવી બાબતમાં કરી નાખી હત્યા
યુપીના શામલી નામના ગામની આ ઘટના છે. એક વ્યક્તિએ ગુસ્સામાં આવીને પોતાની પત્નીની હત્યા કરી નાખી અને સાથે તેના પોતાના દીકરાને પણ ઘાયલ કરી નાખ્યો. આ ઘટના સોમવારે રાતે ગોગવા જલાલપુર વિસ્તારમાં બની હતી. ત્યાંની સ્થાનિક પોલીસના જણાવ્યા અનુસાર મુરલી રાત્રે જમવા બેઠો  ત્યારે તેણે જમવામાં સલાડ માંગ્યું હતું. આ સમયે તેની પત્ની એક બીજા કામમાં વ્યસ્ત હતી. તેથી તે જમવામાં સલાડ આપી શકી નહીં. તેથી દારૂ પીધેલી હાલતમાં તે તેના દીકરાની હાજરીમાં ગાળો બોલવા લાગ્યો. તેથી આ બાબતને લઈને બંને વચ્ચે બોલવાનું થઈ ગયું. પરિણામે મુરલીને ગુસ્સો આવ્યો તે બહાર જતો રહ્યો. 

હુમલો કરવા માટે મોડી રાત્રે આવ્યો ઘરે
ત્યારબાદ તે અડધી રાત્રે ફરી ઘરે આવ્યો, ત્યારે તેની પત્ની અને 22 વર્ષનો દીકરો સૂઈ રહ્યા હતા. ત્યારે તેણે અચાનક જે પોતાની પત્ની પર કુહાડી વડે હુમલો કર્યો. પોતાની મમ્મીની બૂમ સાંભળતા તે પણ વચ્ચે પડ્યો હતો તો મુરલીએ એને પણ ઘાયલ કર્યો હતો. પોતાની પત્નીને મોતને ઘાટ ઉતારી, તે ત્યાંથી ફરાર થઈ ગયો હતો. પણ ઘરમાં થતી બૂમાબૂમ સાંભળી પાડોશીઓ ભેગા થઈ ગયા હતા.