કોરોના મહામારીના કારણે મોટાભાગની ઓફિસો બંધ છે અને મોટાભાગના લોકો વર્ક ફ્રોમ હોમ કરી રહ્યા છે. પરંતુ તમે ક્યારેય કોઈ વ્યક્તિને પોતાના લગ્નમાં લેપટોપ પર કામ કરતાં જોયો છે?
વરરાજા લગ્નની વિધિ દરમિયાન મંડપમાં લેપટોપ પર કામ કરવામાં વ્યસ્ત
વરરાજાને લેપટોપ પર કામ કરતાં જોઈને દુલ્હન પણ ન રોકી શકી હસવું
સોશિયલ મીડિયા પર ધૂમ મચાવી રહ્યો છે આ વીડિયો
આજકાલ સોશિયલ મીડિયા પર એક વીડિયો ખૂબથી વાયરલ થઈ રહ્યો છે. તેમાં વરરાજા લગ્નની વિધિ દરમિયાન મંડપમાં લેપટોપ પર ઓફિસનું કામ કરતાં જોવા મળી રહ્યો છે. આ વીડિયો પર સોશિયલ મીડિયા યુઝર્સ ખૂબ કમેન્ટ્સ કરી રહ્યા છે અને તેને ખૂબ લાઇક્સ પણ મળી રહી છે.
લગ્નની વિધિ દરમિયાન વરરાજા હતા કામમાં વ્યસ્ત
વીડિયોમાં પંડિત વિધિ કરાવતા દેખાઈ રહ્યા અને વરરાજા લેપટોપમાં કામ કરતો જોવા મળી રહ્યો છે. વરરાજા કામમાં એટલો વ્યસ્ત છે કે તેના આસપાસ શું થઈ રહ્યું છે તેને કોઈ ભાન જ નથી. લેપટોપ પર કામ પૂર્ણ કર્યા બાદ તે લગ્નની વિધિમાં જોડાઈ પણ જાય છે. મંડપથી થોડી દૂર દુલ્હન પોતાના ફ્રેન્ડ્સ સાથે બેઠી છે. વરરાજાના આવા હાલ જોઈને દુલ્હન પોતાનું હસવું રોકી શકી ન હોતી.
યુઝર્સે કર્યા ઘણા ઇંટ્રેસ્ટિંગ કમેન્ટ્સ
વરરાજાને મંડપ પર કામ કરતાં જોઈને દુલ્હનના હસવાનો વીડિયો સોશિયલ મીડિયા પર ખૂબ વાયરલ થઈ રહ્યો છે. આ વીડિયોને ઇન્સ્ટાગ્રામ પર જયરાજ વિજયસિંઘ દેશમુખ નામના યુઝરે શેર કર્યો છે. જેને હજી સુધી હજારો વ્યૂઝ અને લાઇક્સ મળી ચૂક્યા છે. યુઝર્સ દ્વારા આ વીડિયો પર ઇંટ્રેસ્ટિંગ કમેન્ટ્સ પણ કરવામાં આવ્યા છે. એક યુઝરે લક્યું કે, "વરરાજા હનીમૂન પર જવા માટે પોતાની રજાઓ બચાવી રહ્યો છે". જ્યારે બીજા યુઝરે લખ્યું કે,"વરરાજા જરૂર ITનો કર્મચારી હશે".