મોટો નિર્ણય / ગૂડ ન્યૂઝ : વરસાદથી અસરગ્રસ્ત ખેડૂતોને મોટી રાહત, રુ.10,000 કરોડનું રાહત પેકેજ જાહેર, જાણો મળનાર સહાય

• મહારાષ્ટ્રની ઉદ્ધવ ઠાકર સરકારનો ખેડૂતો માટે મોટો નિર્ણય
• વરસાદથી અસરગ્રસ્ત ખેડૂતો માટે જાહેર થયું 
• રુ. 10,000 કરોડનું રાહત પેકેજ જાહેર કર્યું 
• સિંચાઈ વગરની જમીન ધરાવતા ખેડૂતોને હેક્ટર દીઠ 10,000 મળશે
• રાજ્યમાં પૂરથી લગભગ 55 લાખ હેક્ટર પાક બર્બાદ

બુધવારે ઉદ્ધવ ઠાકરે કેબિનેટની બેઠક મળી હતી અને તેમાં જુનથી ઓક્ટોબર સુધીના મહિનામાં વરસાદને કારણે જે પણ ખેડૂતોને નુકશાન વેઠવાનો વારો આવ્યો છે તેમને માટે 10 હજાર કરોડના રાહત પેકેજની જાહેરાત કરવામાં આવી છે. 

55 લાખ હેક્ટર પાકને વ્યાપક નુકશાન

કેબિનેટની બેઠક બાદ રાજ્ય સરકાર દ્વારા જારી એક પ્રેસ સ્ટેટમેન્ટમાં કહેવાયું કે રાજ્યમાં વરસાદને કારણે આવેલા પૂરથી લગભગ 55 લાખ હેક્ટર પાકને વ્યાપક નુકશાન થયું છે અને તેથી રાજ્ય સરકારે એનડીઆરએફની રાહ જોયા વગર 10,000 કરોડનુ રાહત પેકેજ જાહેર કરવાનો નિર્ણય કર્યો છે. 

દર વર્ષે ઝાઝા પાક લેતા ખેડૂતોને હેક્ટર દીઠ 25,000 ની સહાય મળશે

રાજ્ય સરકારના નિર્ણય અનુસાર સિંચાઈ વગરની જમીન ધરાવતા ખેડૂતોને હેક્ટર દીઠ 10,000 અને સિંચાઈવાળા ખેડૂતોને હેક્ટર દીઠ રુ. 15,000ની સહાય મળશે. દર વર્ષે ઝાઝા પાક લેતા ખેડૂતોને હેક્ટર દીઠ 25,000 ની સહાય મળશે. ખેડૂત દીઠ ફક્ત બે હેક્ટર સુધી જ આ સરકારની રાહત માન્ય રહેશે.

મહારાષ્ટ્રમાં જુન અને સપ્ટેમ્બરમાં રેકોર્ડબ્રેક 986.2 એમએમ વરસાદ પડ્યો

મહારાષ્ટ્રમાં જુન અને સપ્ટેમ્બરમાં 986.2 એમએમ જેટલો ભારે વરસાદ પડ્યો હતો જે રાજ્યમાં પડનાર સરેરાશ વરસાદના 115.3 ટકા છે. મહારાષ્ટ્રમાં કુલ 151.33 લાખ હેક્ટર વિસ્તારમાં ખરીફ પાકનું વાવેતર થયું છે અને સરકારી ડેટા અનુસાર રાજ્યમાં પૂરથી 55 લાખ હેક્ટર પાકને નુકશાન થયું છે. સૌથી વધારે નુકશાન મરાઠાવાડા વિસ્તારમાં થયું છે.