મોટા સમાચાર / બાબરી વિધ્વંસ કેસ : 28 વર્ષ બાદ લખનઉ CBI કોર્ટે તમામ 32 આરોપીઓને નિર્દોષ જાહેર કર્યા

• અડવાણી,મુરલીમનોહર જોશી,ઉમા ભારતી નિર્દોષ જાહેર
• વિનય કટિયાર,ચંપત રાય,સાધ્વી ઋતુંભરા નિર્દોષ જાહેર
• કલ્યાણસિંહ,સાક્ષી મહારાજ,બ્રજ ભૂષણ,લલ્લુસિંહ પણ નિર્દોષ જાહેર
• આચાર્ય ધર્મેન્દ્ર,મહંત નૃત્ય ગોપાલદાસ,રામવિલાસ વેદાંતી નિર્દોષ

બાબરી મસ્જિદ કેસમાં સીબીઆઇ કોર્ટે સૌથી મોટો ચુકાદો આપ્યો છે. સીબીઆઇ કોર્ટે તમામ આરોપીને નિર્દોષ છોડી દીધા છે. 28 વર્ષ પહેલાં 6 ડિસેમ્બર 1992માં અયોધ્યામાં કારસેવકોએ બાબરી મસ્જિદની ઇમારત તોડી પાડી હોવાનો આરોપ લાગ્યો. જેમાં ઇમારત તોડી પાડવાનો આરોપ લાલકૃષ્ણ અડવાણી, મુરલી મનોહર જોશી સહિત 48 લોકો પર લગાવવામાં આવ્યો હતો. તેમાંથી 16 લોકોનાં નિધન થઈ ગયાં છે.

ત્યારે CBIની સ્પેશિયલ કોર્ટ 32 આરોપીઓનો નિર્દોષ છોડી દીધા છે. કોર્ટે કહ્યું કે આ ઘટના અચાનક થઇ હતી. પૂર્વ આયોજિત નહોતી. ફોટો હોવાથી કોઇ આરોપી ન થઇ જાય. ફોટો અને વીડિયોનો સાક્ષ્ય સ્વીકાર નથી. કેટલાક લોકોએ ભીડને રોકવા પ્રયાસ કર્યો હતો. ફરિયાદી પક્ષ આરોપીઓ સામે નક્કર પુરાવા ન આપી શક્યો.

કોર્ટે કહ્યું કે અશોક સિંધલ માળખુ સુરક્ષિત રાખવા માગતા હતા. મૂર્તિઓ હોવાથી તેઓ માળખું સુરક્ષિત રાખવા માગતા હતા. એટલે સમાચાર પત્રોમાં લખેલી વાતો સાક્ષી ન માની શકાય. અને કાર સેવકોના બંન્ને હાથ વ્યસ્ત રાખવા જળ-ફૂલ લાવવા કહેવાયું હતું.

કોને આરોપી બનાવામાં આવ્યા હતા

આ કેસમાં લાલકૃષ્ણ અડવાણી, મુરલી મનોહર જોશી, કલ્યાણ સિંહ, ઉમા ભારતી, વિનય કટિયાર, સાધ્વી ઋતંભરા, મહંત નૃત્ય ગોપાલ દાસ, ડો. રામ વિલાસ વેદાંતી, ચંપતરાય, મહંત ધર્મદાસ, સતીશ પ્રદાન, પવન કુમાર પાંડેય, લલ્લૂ સિંહ, પ્રકાશ શર્મા, વિજય બહાદુર સિંહ, સંતોષ દુબે, ગાંધી યાદવ, રામજી ગુપ્તા, વ્રજ ભૂષણ શરણ સિંહ, કમલેશ ત્રિપાઠી, રામચંત્ર ખત્રી, જય ભગવા ગોયલ, ઓમ પ્રકાશ પાંડેય, અમર નાથ ગોયલ, જયભાન સિંહ પવૈયા, મહારાજ સ્વામી સાક્ષી, વિનય કુમાર રાય, નવીન ભાઇ શુકલા, આરએન શ્રીવાસ્તવ, આચાર્ય ધર્મેન્દ્ર દેવ, સુધરી કુમાર કકક્ડ અને ધર્મેન્દ્ર સિંહ ગુર્જર આરોપી બનાવામાં આવ્યાં હતા. 

વિવાદિત માળખુ તોડવાનો વિવાદ 

વિવાદિત માળખું તોડી પાડવા મામલે કુલ 49 આરોપીના નામ ચાર્જશીટમાં છે. જેમાંથી 17 આરોપીઓના મોત થઈ ચૂક્યાં છે. આ કેસમાં 32 આરોપીઓના નિવેદનો પર ચૂકાદો સંભળાવવામાં આવશે.

ક્યારે શું થયું ? 

કેસમાં કુલ 49 લોકોને આરોપી બનાવાયા હતા. 6 ડિસેમ્બર 1992ના રોજ વિવાદિત માળખું ધ્વસ્ત કરવા બદલ FIR દાખલ થઈ હતી. બાલા સાહેબ ઠાકરે, અશોક સિંઘલ, ગિરિરાજ કિશોર સહિત 17 આરોપીના નિધન થઈ ચૂક્યા છે. 32 આરોપીઓના નિવેદન પર ચુકાદો આવશે. 

6 ડિસેમ્બર 1992ના રોજ શું થયું ? 

6 ડિસેમ્બર 1992ના રોજ અયોધ્યામાં કારસેવાની મંજૂરી સુપ્રીમ કોર્ટ પાસે માંગવામાં આવી હતી. કહેવાયું હતું કે રામભક્ત ચબૂતરા પર સરયૂનુ જળ એક મુઠ્ઠી માટી ચડાવશે.  તત્કાલિન ભાજપ સરકારે કહ્યુ હતું કે કારસેવક માત્ર કારસેવા કરી પાછા ફરશે. પરંતુ લાખોની સંખ્યામાં રામભક્તોએ વિવાદિત માળખાને ધ્વસ્ત કર્યું હતુ.  માળખુ ધ્વસ્ત કરાયા બાદ તત્કાલિન કલ્યાણ સિંહ સરકારે રાજીનામું આપ્યું હતુ. સરકારે વિવાદિત માળખુ ધ્વસ્ત કરવાને લઈને તપાસના આદેશ આપ્યાં હતા. પહેલાં CB-CIDએ તપાસ કરી, પછી CBIને તપાસ સોંપવામાં આવી હતી.