ખુલાસો / વડોદરામાં 19 વર્ષની દીકરીની હત્યાનો ભેદ ગણતરીના કલાકોમાં ઉકેલાયો, પ્રેમપ્રકરણ પર પોલીસે કર્યા અનેક મોટા ખુલાસા

• વડોદરામાં યુવતીની હત્યાનો મામલો
• ક્રાઈમ બ્રાન્ચે આરોપીને ઝડપ્યો
• પ્રેમીએ જ હત્યા કરી હોવાનો ખુલાસો

પ્રેમ આ શબ્દને કલંકિત કરતી ઘટનાઓ અવારનવાર બની રહી છે. સુરતની ગ્રીષ્મા હત્યા કેસ બાદ   વડોદરામાં 19 વર્ષીય યુવતીની હત્યા થતા ચકચાર મચી છે.  નેશનલ હાઇવે પરથી યુવતીનો મૃતદેહ મળ્યો હતો. હત્યારાએ યુવતીનો જમણો હાથ કાપીને ફેંકી દીધો હતો. 19 વર્ષીય વિદ્યાર્થીનીની હત્યા પાછળ પ્રેમ પ્રકરણ હોવાનો ખુલાસો થયો છે. યુવતી આર્યન રેસિડેન્સીમાં મામાને ત્યાં રહેતી હતી. પોલીસની સ્પર્ધાત્મક પરીક્ષાની તૈયારી કરતી હતી.યુવતી ટ્યુશન જવા માટે નીકળી હતી તે દરમિયાન અંધારાનો લાભ લઇને આરોપીઓએ તીક્ષ્ય હથિયારના ઘા ઝીંકી હત્યા કરી હતી.

ગણતરીના કલાકોમાં ઝડપાયો આરોપી

વડોદરા શહેરમાં મકરપુરા પોલીસ સ્ટેશનની હદમાં ધનયાવી ગામની સીમ છે. જ્યાંથી 20 થી 22 વર્ષીય યુવતીની ડેડેબોડી મળી હોવાનો મેસજ મળતા પોલીસ અને ક્રાઇમ બ્રાંચની ટીમ ઘટના સ્થળે પહોંચી હતી.  જેસીપી ચિરાગ કોરડિયાએ જણાવ્યું કે હત્યા કરેાયેલી યુવતીના ગરદન પર તીક્ષ્ણ હથિયારથી માર માર્યાનું નિશાન હતું. યુવતીનો હાથ પણ કાપી નાંખવામાં આવ્યો હતો. લોકલ પોલીસ અને ક્રાઇમ બ્રાંચની પોલીસે ટીમો બનાવીને સીસીટીવી અને કોલ ડિટેઇલ્સના આધારે તપાસ શરુ કરતા ગણતરીના કલાકોમાં જ આરોપીને ઝડપી પાડ્યો હતો. 

આરોપી 4 વર્ષથી યુવતીના સંપર્કમાં- જેસીપી

આરોપી કમલેશ ઠાકોરને માણેજા ગામથી ઝડપી પાડવામાં આવ્યો છે. આરોપી મકરપુરા જીઆઇડીસી વિસ્તારમાં ઇલેક્ટ્રીશિયનનું કામ કરે છે.  છેલ્લા ચાર વર્ષથી યુવતીના સંપર્કમાં હતો. તે યુવતીને પરેશાન કરતો હતો.  આરોપી કમલેશે જ યુવતીને આ જગ્યા પર મળવા બોલાવી હોવાનુ જેસીપી ચિરાગ કોરડિયા પ્રેસ કોન્ફરન્સમાં જણાવ્યુ હતું.  યુવતીની હત્યા કરવાનું કારણ તો જાણી શકાયુ નથી. પોલીસ આ મામલે તપાસ કરી રહી છે પરંતુ આરોપી એક તરફી પ્રેમમાં પાગલ પ્રેમી હોવાનું પ્રાથમિક અનુમાન છે.

ખેતમજૂરો બુમો સાંભળી દોડી આવ્યા

ઘટના દરમિયાન ખેતમજૂરોને યુવતીની બુમો સંભળાતા દોડી આવ્યા હતા. જો કે હત્યારો ત્યાં એક્ટિવા મુકીને જ ભાગી છુટ્યા હતા.  શ્રમિકે એક વ્યક્તિને ભાગતો પણ જોયો હતો. પોલીસે  ખેતમજૂરોના નિવેદન લઇને તપાસ તેજ કરી હતી. .ઘટનાસ્થળેથી મળેલા આધારકાર્ડમાં યુવતી મૂળ પંચમહાલ જિલ્લાની હોવાનું ખૂલ્યું છે.