- આર્કિયોલોજી વિભાગે એક સૂર્ય મંદિર શોધી કાઢ્યુ
- આ મંદિર આશરે 4500 વર્ષ જૂનુ છે
- પ્રાચીન ઈજિપ્તના 5મા સામ્રાજ્યનુ હોઇ શકે
ઈજિપ્તમાં 4500 વર્ષ જૂૂનુ મંદિર મળી આવ્યું
આ મંદિરના થોડા ભાગને તોડીને પ્રાચીન ઈજિપ્તના 5મા સામ્રાજ્યના છઠ્ઠા રાજાએ પોતાનુ મંદિર બનાવ્યું હતુ. પરંતુ હવે આર્કિયોલોજી વિભાગે દાવો કર્યો છે કે તેઓએ આ મંદિરના કેટલાંક ભાગને શોધી કાઢ્યા છે. આર્કિયોલોજી વિભાગે ઈજિપ્તમાં વધુ એક જૂનુ સૂર્ય મંદિર શોધી કાઢ્યુ છે. આ 4500 વર્ષ જૂનુ છે. અવશેષોને જોઇને અનુમાન લગાવવામાં આવે છે કે કાચી ઈંટોમાંથી બનાવવામાં આવેલુ આ બિલ્ડિંગ એક સૂર્ય મંદિરનુ છે, જે પ્રાચીન ઈજિપ્તના 5મા સામ્રાજ્ય (2465 to 2323 BC) નુ હોઇ શકે છે. આની પહેલા ગયા વર્ષે પણ ઈજિપ્તમાં એક સૂર્ય મંદિરના અવશેષો મળ્યા હતા. ઉલ્લેખનીય છે કે ઈટાલી અને પોલેન્ડ તરફથી સંયુક્ત સર્ચ ઓપરેશન અભિયાન ઈજિપ્તમાં ચલાવવામાં આવી રહ્યું છે.
મંદિરની નીચેે કાચી ઈંટોની એક બિલ્ડિંગના અવશેષ મળ્યાં
ઈજિપ્તના પ્રાચીન અને પર્યટન મંત્રાલયે આ સંશોધન અંગે ઈન્સ્ટાગ્રામ પર 30 જુલાઈએ જણાવ્યુું. મંત્રાલય તરફથી જાહેર નિવેદનમાં કહેવામાં આવ્યું, આ જોઈન્ટ ઈટાલિયન-પૉલિશ આર્કિયોલોજિકલ મિશન છે. જે King Nyuserreના મંદિર પર કામ કરી રહ્યું છે. આ મંદિરની નીચે કાચી ઈંટોની એક બિલ્ડિંગના અવશેષ મળ્યાં છે. આ મંદિર ઈજિપ્તની રાજધાની કાહિરાના દક્ષિણ વિભાગમાં રહેલા અબુસીર વિસ્તારમાંથી મળ્યું છે. આ King Nyuserre ના મંદિરની નીચે હતુ.
ઐતિહાસિક બુકમાં કરાયો છે ઉલ્લેખ
મંત્રાલય તરફથી વધુમાં કહેવામાં આવ્યું, આ બિલ્ડિંગ પાંચમા સામ્રાજ્યના ગુમાવેલા સૂર્યનાા 4 મંદિરોમાંથી એક હોઇ શકે છે, જેનો ઉલ્લેખ અનેક ઐતિહાસિક બુકમાં કરવામાં આવ્યો છે. મંત્રાલય તરફથી જણાવવામાં આવ્યું છે કે મંદિરની ઈમારતના અમુક ભાગને પાંચમા સામ્રાજ્યના છઠ્ઠા શાસક pharaoh એ તેના શાસન દરમ્યાન ધ્વસ્ત કરાવી દીધુ હતુ. કારણકે તે ત્યાં તેનુ મંદિર બનાવી શકે.
