ચૂંટણી / ગુજરાતમાં લોકસભા ચૂંટણીનું મતદાન પૂર્ણ, જાણો કુલ કેટલું થયું મતદાન?

લોકસભા ચૂંટણીના ત્રીજા તબક્કા માટે રાજ્યની તમામ ૨૬ લોકસભા બેઠકો અને ચાર વિધાનસભા બેઠકોની પેટા ચૂંટણી માટે આજે સવારે ૭થી સાંજના ૬ કલાક સુધી મતદાન યોજાઇ હતી. ત્યારે સવારે શાંતિપૂર્ણ મતદાનનો પ્રારંભ થયો હતો અને એકંદરે શાંતિપૂર્ણરીતે મતદાન થયું છે. ત્યારે 59.74 ટકા ગુજરાતમાં મતદાન થયું છે.

આજે લોકસભા ચૂંટણીના ત્રીજા તબક્કાનું હતું ત્યારે ગુજરાતમાંથી કુલ 371 ઉમેદવારો ચૂંટણીના મેદાનમાં છે. જેમાં ભાજપ અને કોંગ્રેસે તમામ 26 બેઠકો પરથી પોતાના ઉમેદવાર ઉતાર્યા છે. PM મોદીએ રાણીપ ખાતે મતદાન કર્યું હતું. જ્યારે ભાજપના રાષ્ટ્રીય અધ્યક્ષ અમિત શાહે નારણપુરા ખાતે પરિવાર સાથે મતદાન કર્યું હતું. 

ગુજરાતમાં  મતદાન પૂર્ણ, જુઓ ક્યાં કેટલું થયું?

રાજ્યમાં ચાલી રહેલ લોકસભા ચૂંટણીમાં મતદાન થયું પૂર્ણ છે. ગુજરાતમાં 59.74 ટકા મતદાન થયું છે. જેમાં સૌરાષ્ટ્ર-કચ્છની વાત કરીએ તો કચ્છમાં 55 ટકા, રાજકોટ 62 ટકા, જામનગર 58 ટકા, પોરબંદરમાં 56 ટકા, જૂનાગઢમાં 61 ટકા, અમરેલીમાં 54 ટકા, ભાવનગરમાં 57 ટકા, સુરેન્દ્રનગરમાં 56 ટકા મતદાન થયું હોવાના અહેવાલ પ્રાપ્ત થયા છે. જ્યારે ઉત્તર ગુજરાતમાં બનાસકાંઠામાં 65 ટકા, પાટણમાં 61 ટકા, મહેસાણામાં 65 ટકા, સાબરકાંઠામાં 65 ટકા, ગાંધીનગરમાં 66 ટકા, અમદાવાદ પૂર્વમાં 59 ટકા, અમદાવાદ પશ્ચિમમાં 59 ટકા મતદાન થયું.

જ્યારે મધ્ય ગુજરાતમાં ખેડામાં 60 ટકા, આણંદમાં 66 ટકા, વડોદરામાં 66 ટકા, પંચમહાલ 61 ટકા, દાહોદમાં 66 ટકા, છોટા ઉદેપુરમાં 68 ટકા મતદાન થયું. દક્ષિણ ગુજરાતમાં સુરતમાં 64 ટકા, બારડોલીમાં 73 ટકા, નવસારીમાં 65 ટકા, વલસાડમાં 72 ટકા, જ્યારે ભરૂચમાં 69 ટકા મતદાન થયું.