Coronavirus / લોકડાઉન વચ્ચે ભારતમાં પ્રથમ વખત આ રીતે ગાંધીનગરમાં યોજાઇ રાજ્યની કેબિનેટ બેઠક

• કોરોના સંકટ અને લોકડાઉન વચ્ચે મળી કેબિનેટ બેઠક
• મંત્રીમંડળના મંત્રીઓ સાથે વીડિયો કોન્ફરન્સથી મળી બેઠક

કોરોના સંકટ અને લોકડાઉન વચ્ચે આજરોજ રાજ્યની કેબિનેટ બેઠક યોજાઇ હતી. ગાંધીનગર ખાતે મુખ્યમંત્રી નિવાસ સ્થાનેથી વીડિયો કોન્ફરન્સ દ્વારા આ બેઠક મળી હતી. જો કે આજ પ્રથમ વખત કેબિનેટની બેઠક વીડિયો કોન્ફરન્સથી થઇ હતી. 

મુખ્યમંત્રી વિજય ભાઈ રૂપાણી અને નાયબ મુખ્યમંત્રી નીતિનભાઈ પટેલે ગાંધીનગર મુખ્યમંત્રી નિવાસસ્થાનેથી રાજ્યના જિલ્લા મથકો એ જિલ્લા કલેકટર કચેરીઓમાં હાજર રહેલા રાજ્ય મંત્રીમડળના મંત્રીઓ સાથે વીડિયો કોન્ફરન્સથી કેબિનેટ બેઠક યોજી હતી.

શિક્ષણમંત્રી ભૂપેન્દ્ર સિંહ ચુડાસમા, ગૃહ રાજ્ય મંત્રી પ્રદીપસિંહ જાડેજા અને મુખ્ય સચિવ પોલીસ મહા નિદેશક તેમજ મુખ્યમંત્રીના મુખ્ય અગ્ર સચિવ પણ આ બેઠકમાં ઉપસ્થિત રહ્યાં હતા.

વર્તમાન કોરોના વાયરસની સ્થિતિમાં પણ પ્રજાહિતના નિર્ણયો અને પ્રજાલક્ષી કામગીરીમાં રૂકાવટના આવે તેને લઇને વીડિયો કોન્ફરન્સ દ્વારા કેબિનેટનો આ પ્રયોગ દેશભરમાં પ્રથમ વાર ગુજરાતે કર્યો છે.