IPLIN
 

રાજકીય સંકટ / BIG NEWS : 45 દિવસમાં લિઝ ટ્રસે બ્રિટનના પ્રધાનમંત્રી પદેથી આપ્યું રાજીનામું, જાણો હવે કોણ બનશે PM

Team VTV 06:20 PM, 20 Oct 22 | Updated: 06:37 PM, 20 Oct 22
Follow us
Liz Truss resigns as the Prime Minister of the United Kingdom

આખરે લીઝ ટ્રસે બ્રિટનના પ્રધાનમંત્રી પદેથી રાજીનામું આપી દીધું છે. તેઓ ફક્ત 45 દિવસ સુધી જ પીએમ પદ સંભાળી શક્યા હતા.

  • બ્રિટનનમાં ફરી વાર સર્જાઈ રાજકીય ઉથલપાથલ
  • 45 દિવસની ખુરશી ભોગવીને લીઝ ટ્રસે આપ્યું પીએમ પદેથી રાજીનામું 
  • ટ્રસની ટેક્સ નીતિઓનો સાંસદોએ કર્યો હતો વિરોધ 
  • બોરિસ જોન્સન કે ઋષિ સુનક બની શકે પ્રધાનમંત્રી 

બ્રિટનમાં ફરી વાર એક મોટો રાજકીય ઘટનાક્રમ સર્જાયા છે. હજુ તો 45 દિવસ પહેલા પ્રધાનમંત્રી બનેલા લીઝ ટ્રસે આજે હોદ્દા પરથી રાજીનામું આપી દીધું છે. સરકારમાંથી એક વરિષ્ઠ મંત્રીના રાજીનામા અને સંસદના નીચલા ગૃહમાં સભ્યોની ઉગ્ર ટીકા બાદ ટ્રસે ગુરુવારે પોતાના પદ પરથી રાજીનામું આપી દીધું હતું. ગયા મહિને સરકારે એક આર્થિક યોજના જાહેર કરી હતી, જેની નિષ્ફળતાને કારણે આર્થિક ઉથલપાથલ અને રાજકીય કટોકટી સર્જાઈ છે. આ પછી, ટ્રસે નાણા મંત્રી જેરમી હન્ટ પાસેથી રાજીનામું લઈ લીધું હતું.

45 દિવસ પહેલા ટ્રસ બન્યાં હતા પીએમ
ઉલ્લેખનીય છે કે લીઝ ટ્રસ હજુ 45 દિવસ પહેલા બ્રિટનના પીએમ બન્યાં હતા. બોરિસ જોન્સનના રાજીનામાને પગલે પાર્ટીમાં પીએમ પદને લઈને આંતરિક ચૂંટણી થઈ હતી જેમાં ભારતીય મૂળના ઋષિ સુનકને હરાવીને ટ્રસ પીએમ બન્યાં હતા પરંતુ પીએમ બન્યાં બાદ તેમણે એવી ટેક્સ નીતિઓ રજૂ કરી કે જેને કારણે તેમની પાર્ટીના સાંસદો અને લોકો ભડકી ઉઠ્યાં હતા અને તેમની પર રાજીનામાનું દબાણ વધવા લાગ્યું હતું. 

બોરિસ જોન્સન કે ઋષિ સુનકને પીએમની ખુરશી હાથ લાગી શકે
લિઝ ટ્રસના રાજીનામા બાદ વિપક્ષી દળ લેબર પાર્ટીના કેર સ્ટારમરે બ્રિટનમાં સામાન્ય ચૂંટણી કરાવવાની માગ કરી છે. જોકે સરકાર ચૂંટણી કરાવવા તૈયાર નથી તેથી બોરિસ જોન્સન કે ઋષિ સુનકને પીએમની ખુરશી હાથ લાગી શકે છે. 

રાજીનામું આપ્યાં બાદ ટ્રસે કહ્યું કે હાલની પરિસ્થિતિને જોતાં, મને લાગે છે કે હું જે વચનો માટે લડી હતી તે હું પૂરા કરી શકી નથી અને તેથી હું હોદ્દા પરથી રાજીનામું આપી રહી છું. 

ગૃહ મંત્રી સુએલા બ્રેવરમેને બુધવારે આપ્યું રાજીનામું 

ગૃહ મંત્રી સુએલા બ્રેવરમેને બુધવારે પોતાના પદ પરથી રાજીનામું આપી દીધું હતું. પહેલેથી જ રાજકીય સંકટમાંથી પસાર થઈ રહેલા બ્રિટન માટે આ મોટા સમાચાર છે. સુએલા બ્રેવરમેને બુધવારે કહ્યું હતું કે તે વડા પ્રધાન લિઝ ટ્રુસની સરકાર છોડી રહી છે. યુકેના મીડિયાએ બુધવારે આ માહિતી આપી હતી. બ્રુઅરમેન ભારતીય મૂળના છે. જોકે બ્રેવરમેને સરકાર છોડવાના પોતાના નિર્ણય પર પોતાની સ્થિતિ સ્પષ્ટ કરી નથી, પરંતુ બીબીસી અને અન્ય મીડિયા રિપોર્ટ્સમાં કહેવામાં આવી રહ્યું છે કે તેમણે સરકારમાંથી રાજીનામું આપી દીધું છે. બ્રેવરમેન પણ બ્રિટિશ પીએમની રેસમાં હતા. 

લીઝ ટ્રસે નાણા મંત્રી જેરમી હન્ટને પણ હટાવ્યાં હતા
ઉલ્લેખનીય છે કે લીઝ ટ્રસને પીએમ બન્યાને હજુ દોઢ મહિના જેટલો સમય થયો છે તેમ છતાં પણ તેમની પર રાજીનામું આપવા માટે પાર્ટી નેતાઓનું દબાણ છે. લીઝ ટ્રસ પીએમ બન્યા બાદ નાણા મંત્રી જેરમી હન્ટને હટાવ્યાં હતા અને હવે બીજા મોટા મંત્રીએ રાજીનામું આપ્યું છે એટલે તેમની પીએમની ખુરશી ખતરામાં હોવાનું લાગી રહ્યું છે. 

Liz Truss Liz Truss PM લીઝ ટ્રસ લીઝ ટ્રસ રાજીનામું
IPLIN

ટૉપ સ્ટોરીઝ

સૌથી વધુ વંચાયેલું

બ્રેકિંગ ન્યૂઝ