જૂનાગઢમાં ફરી શિક્ષણ માફીયાઓની દાદાગીરી સામે આવી છે. જેમા લાયન્સ પ્રાયમરી શાળા દ્વારા ફી ન ભરી શકનાર વિદ્યાર્થીઓનું શિક્ષણ બંધ કરી દેવામાં આવ્યું છે.
જૂનાગઢમાં શિક્ષણ માફિયાઓની દાદાગીરી સામે આવી
ફિ ન ભરતા 120 વિદ્યાર્થીઓનું શિક્ષણ બંધ કર્યું
શાળાની દાદાગીરી સામે વિદ્યાર્થીઓમાં રોષનો માહોલ
એક તરફ કોરોનાને કારણે લોકો પહેલાથી હેરાન થઈ રહ્યા છે. તેમા પણ મોંઘવારીનો માર સહન કરી રહેલા વાલીઓ સૌથી વધારે હેરાન થઈ રહ્યા છે. કારણકે સ્કૂલો દ્વારા આવા સમયે પણ ફી વધારો કરવામાં આવી રહ્યો છે. ત્યારે આવા સમયે જૂનાગઢમાં શિક્ષણ માફિયાઓની દાદાગીરીનો એક મામલો સામે આવ્યો છે. જે સાંભળીને તમે ચોંકી જશો.
લાયન્સ પ્રાયમરી સ્કૂલે શિક્ષણ બંધ કર્યુ
જૂનાગઢમાં શિક્ષણ માફીયાઓની પઠાણી ઉઘરાણીનો એક કિસ્સો સામે આવ્યો છે. માણાવદરની લાયન્સ પ્રાયમરી સ્કૂલમાં વિદ્યાર્થઓનું શિક્ષણ બંધ કરી દેવામાં આવ્યું છે. જેના કારણે વાલીઓ મુશ્કેલીમાં મુકાઈ ગયા છે. વાલીઓએ ફી નહોતી ભરી જેના કારણે શાળા દ્વારા શિક્ષણ બંધ કરી દેવામાં આવ્યું જેથી બાળકો હવે ભણી નથી શકતા.
120 વિદ્યાર્થીઓનું શિક્ષણ બંધ
કુલ 120 જેટલા વિદ્યાર્થીઓનું શાળા દ્વારા ઓનલાઈન શિક્ષણ બંધ કરી દેવામાં આવ્યું છે. શાળા દ્વારા વોટ્સ ગૃપમાં વિદ્યાર્થીઓની સૂચના આપવામાં આવી હતી. પરંતુ ફી ન ભરાતા શાળા દ્વારા તેમનું શિક્ષણ બંધ કરી દેવામાં આવ્યું જેના કારણે બાળકો હવે ભણી નથી શકતા જેથી શાળાની આ દાદાગીરી સામે વાલીઓમાં પણ રોષનો માહોલ ફેલાયો છે.
વાલીઓ હેરાન પરેશાન
ઉલ્લેખનીય છે કે અગાઉ પણ રાજ્યમાં આવા કિસ્સાઓ સામે આવ્યા છે. જેમા શાળા સંચાલકોની દાદાગીરીને કારણે વાલીઓને તેમજ વિદ્યાર્થીઓને ભારે હાલાંકીનો સામનો કરવો પડે છે. ત્યારે વધુમાં ફરી જૂનાગઢમાં આવો કિસ્સો સામે આવ્યો છે. જેમા શાળા દ્વારા વાલીઓ પાસેથી પઠાણી ઉઘરાણી કરવામાં આવી રહી છે.