મહેસાણાં શિયાળામાં લીલી હળદરનું શાક બનાવવામાં આવે છે. આ લીલી હળદરનું શાક એવું તો મીઠુ લાગે કે તમારી જીભને ટેસડો પડી જશે. આવો જાણીએ પરંપરાગત રીતે લીલી હળદરનું શાક બનાવવાની રીત
સામગ્રી:
500 ગ્રામ સૂકી ડુંગળી ( onion paste )ની પેસ્ટ
500 ગ્રામ ટમેટા( tomato paste )ની અધ્ધકચરી ગ્રેવી
500-750 ગ્રામ લીલી હળદર ( green turmeric )
500-750 ગ્રામ લસણ ( garlic )
500 ગ્રામ ઘી ( Ghee )
500 ગ્રામ દહીં ( curd )
250 ગ્રામ આદું ( ginger )
250 ગ્રામ મરચા( green chilli )ની પેસ્ટ
250 ગ્રામ લીલા વટાણા ( green pea )અથવા લીલી તુવેર ( green tuver )
200 ગ્રામ કોથમીર ( coriander )
200-400 ગ્રામ સમારેલ ગોળ ( jaggery )
સ્વાદનુસાર, મીઠું ( salt ), લાલ મરચું ( red chilli powder )
લીલી હળદરનું શાક બનાવવાની રીત:
સૌપ્રથમ ઘી માં લીલી હળદર લાલાશ થાય ત્યાં સુધી સાંતળી લેવી
પછી લસણ ઉમેરી સાંતળવું,
સંતળાય જાય એટલે ડુંગળીની પેસ્ટ ઉમેરવી.
પછી ટામેટાની ગ્રેવી ઉમેરવી.
ઘી છૂટું પડે એટલે આદું છૂટું છવાયું ભભરાવી 1-2 મિનીટ રહેવા દેવું
ત્યારબાદ મરચાની પેસ્ટ ઉમેરવી.
પછી જરૂર મુજબ મીઠુ અને લાલ મરચું ઉમેરવું.
વટાણા અથવા તુવેર અને ગોળ ઉમેરી મિક્સ કરવું. છેલ્લે દહીં ઉમેરી બરાબર મિક્સ કરી દેવું.
કોથમીર ઉમેરી ગાર્નિશ કરવું.
લો, હવે તૈયાર છે હળદરનું ટેસ્ટી શાક.
આ શાકને બાજરીના રોટલા સાથે પીરસવાથી મહેમાનને ટેસડો પડી જશે