કમાણી / માત્ર 233 રૂપિયા જમા કરશો તો મળશે 17 લાખ રૂપિયા, LICની આ જબરદસ્ત સ્કીમ વિશે એકવાર જાણી લો

• ભવિષ્ય સુરક્ષિત કરવું હોય તો આ સ્કીમમાં કરો રોકાણ
• એલઆઈસીની આ સ્કીમમાં મળશે જોરદાર ફાયદો
• દર મહિને માત્ર 233 રૂપિયા જમા કરી મેળવો 17 લાખ રૂપિયા

એલઆઈસી (LIC) અવારનવાર પોતાના ગ્રાહકોની સુરક્ષા માટે ખાસ પ્લાન લઇને આવે છે. એલઆઈસીના જીવન લાભ પ્લાન (LIC jeevan Labh) દ્વારા તમે દરરોજ 233 રૂપિયાનું રોકાણ કરીને 17 લાખ રૂપિયાનું ફંડ બનાવી શકો છો. એટલે કે તમે થોડા વર્ષોમાં લખપતિ બની શકો છો. LIC દરેક વર્ગને ધ્યાનમાં રાખીને પ્લાન તૈયાર કરે છે. 

તમને જણાવી દઈએ કે, આ પ્લાનનું નામ જીવન લાભ (936) છે. આ એક નોન-લિંક્ડ પોલિસી છે. આ કારણે પોલિસીનો શેર માર્કેટ સાથે કોઈ સંબંધ નથી. આ લિમિટેડ પ્રીમિયમ પ્લાન છે. કંપનીએ આ પ્લાન બાળકોના લગ્ન, અભ્યાસ અને સંપત્તિની ખરીદી માટે બનાવ્યો છે.

પોલિસીની ખાસિયતો

• LICની જીવન લાભ પોલિસી નફો અને સુરક્ષા બંને ઑફર કરે છે.
• 8થી 59 વર્ષની વયના લોકો આ પોલિસી લઈ શકે છે.
• પોલિસીનો ટર્મ 16 થી 25 વર્ષ સુધી લઈ શકાય છે.
• ઓછામાં ઓછો 2 લાખ રૂપિયાનો સમ અશ્યોર્ડ લઈ શકાય છે
• મહત્તમની કોઈ મર્યાદા નથી.
• 3 વર્ષનું પ્રીમિયમ ભરવા માટે લોનની સુવિધા પણ ઉપલબ્ધ છે.
• નોમિનીને પ્રીમિયમ પર ટેક્સ કપાત અને પોલિસી ધારકની મૃત્યુ પર વીમા રકમ અને બોનસનો લાભ મળે છે.

પોલિસી ધારકની મૃત્યુ થઈ જાય તો

જો પોલિસી ધારકનું મોત પોલિસી અવધિ દરમિયાન થાય છે અને મૃત્યુ સુધીના બધાં પ્રીમિયમ ચૂકવ્યાં છે, તો તેના નોમિનીને ડેથ બેનિફિટ, સિમ્પલ રીવર્ઝનરી બોનસ અને ફાઇનલ એડિશનલ બોનસ (જો કોઈ હોય તો) તરીકે ચૂકવવામાં આવશે. મતલબ કે નોમિનીને વધારાની વીમા રકમ મળશે.

કેવી રીતે મળશે 17 લાખ?

તમને જણાવી દઇએ કે જો કોઈ વ્યક્તિ 23 વર્ષની ઉંમરે 16 વર્ષનો ટર્મ પ્લાન અને 10 લાખ સમ અશ્યોર્ડનો વિકલ્પ પસંદ કરે છે તો તેને 10 વર્ષ માટે દરરોજ 233 રૂપિયા ચૂકવવા પડશે. આ રીતે, તેણે કુલ 855107 રૂપિયા ચૂકવવા પડશે. આ રકમ મેચ્યોરિટી પર એટલે કે 39 વર્ષની ઉંમરે આપવામાં આવશે, જે 17,13,000 રૂપિયા હશે.