દેશ / 'તે કોર્ટનો સમય વેળફે છે...', BBCની ડોક્યુમેન્ટરી પર કાયદામંત્રી રિજિજૂએ આપી પ્રતિક્રિયા

• BBCની પ્રધાનમંત્રી નરેન્દ્ર મોદી પરની ડોક્યુમેન્ટ્રી પર બોલ્યાં રિજિજૂ
• કહ્યું 'આ રીતે તે કોર્ટનો સમય વેળફે છે'
• ડોક્યુમેન્ટરી પરની રોકને હટાવવા અંગેની અરજી પર બોલ્યા રિજિજૂ

ગુજરાતનાં 2002માં દંગાઓ પર BBCની ડોક્યુમેન્ટ્રી પર સરકારની તરફથી રોક લગાવવામાં આવી હતી જે મુદો હવે સુપ્રીમ કોર્ટ સુધી પહોંચી ગયો છે. છેલ્લા થોડાં દિવસો પહેલાં આ ડોક્યુમેન્ટ્રી પર રોક લગાડવામાં આવી હતી જેને હટાવવા માટે સુપ્રીમ કોર્ટમાં અરજી દાખલ કરવામાં આવી છે. આ અરજી મુદે દેશનાં કાયદામંત્રીએ ટ્વીટ કરી પોતાની પ્રતિક્રિયા જાહેર કરી છે. 

'સુપ્રીમ કોર્ટનો કિંમતી સમય વેળફી રહ્યાં છે'
બીબીસીની ડોક્યુમેન્ટ્રી પરની રોકને હટાવવા માટેની અરજી પર કેન્દ્રીય કાયદામંત્રી કિરેન રિજિજૂએ પ્રતિક્રિયા આપી છે. તેમણે સુપ્રીમ કોર્ટમાં દાખલ કરવામાં આવેલી યાચિકામાં કોઈનું નામ લીધા વિના ટ્વીટ કર્યું કે , 'આ રીતે તે સુપ્રીમ કોર્ટનો કિંમતી સમય વેળફી રહ્યાં છે. જ્યાં હજારો સામાન્ય નાગરિકો ન્યાય માટે રાહ જોઈ રહ્યાં છે અને તારીખોની માંગ કરી રહ્યાં છે.'

This is how they waste the precious time of Hon'ble Supreme Court where thousands of common citizens are waiting and seeking dates for Justice. https://t.co/5kouG8Px2K

— Kiren Rijiju (@KirenRijiju) January 30, 2023

મોટા વકીલોએ દાખલ કરી હતી અરજી
2002નાં ગુજરાત રમખાણો પર BBCનીડોક્યુમેન્ટરી પર સરકારની રોકનાં મામલાને વકીલ એમ એલ શર્માએ સુપ્રીમ કોર્ટમાં રાખ્યું. ચીફ જસ્ટિસ ચંદ્રચૂડએ 6 ફેબ્રુઆરીનાં આ મુદે સુનાવણી કરવાની જાહેરાત કરી. ડોક્યુમેન્ટ્રીને લઈને કરવામાં આવેલ એન રામ, પ્રશાંત ભૂષણ અને તૃણમુલ કોંગ્રેસનાં સાંસદ મહુઆ મોઈત્રા જેવા લોકોનાં ટ્વીટને હટાવવાની માંગ અંગે પણ કોર્ટમાં મૂકવામાં આવ્યું છે.

આ છે સમગ્ર મામલો
પ્રધાનમંત્રી નરેન્દ્ર મોદીને લઈને ઈન્ડિયા: દ મોદી ક્વેશ્ચન નામની ડોક્યુમેન્ટ્રીને 2 ભાગોમાં બનાવવામાં આવી છે. જેમાં 2002નાં ગુજરાત રમખાણો વિશે માહિતી આપવામાં આવી છે. સાથે જ BBCની આ ડોક્યુમેન્ટ્રીમાં તે સમયની રાજનૈતિક સ્થિતિની તસવીરો પણ દર્શાવવામાં આવી છે. સાથે જ પીએમ મોદીની ગુજરાત યાત્રાને પણ દર્શાવવામાં આવ્યું છે. બ્રિટનમાં આ ડોક્યુમેન્ટ્રીનો પહેલો એપિસોડ 17 જાન્યુઆરીનાં પ્રસારિત થયો હતો જેમાં પીએમ મોદીનાં શરૂઆતી રાજનૈતિક જીવનને દર્શાવવામાં આવ્યું છે.