BIG NEWS / સમગ્ર દુનિયાને કોરોનાનું ગ્રહણ લગાવનારા વુહાનમાં ફરી માઠી બેઠી, કોરોનાનો રાફડો ફાટ્યો

• દુનિયામાં ફરી કોરોનાએ માથુ ઉચક્યું
• કોરોનાનો રાફડો ફાટ્યો
• કોરોનાનું એપીસેન્ટર બનશે વુહાન

ચીનમાં કોરોના વાયરસ ફરી એ કવાર ઝડપથી ફેલાઈ રહ્યો છે. બે વર્ષની તબાહી બાદ વુહાનમાં ફરી એક વાર કોરોના સંક્રમણના કેસો વધી રહ્યા છે. ચીનમાં 24 કલાકમાં કોરોનાના 526 કેસ નોંધાયા છે. છેલ્લા 2 વર્ષમાં એક જ દિવસમાં સંક્રમણના સૌથી મોટો આંકડો છે. 

એક જ દિવસમાં 526 કેસો આવ્યા

રિપોર્ટ્સમાં કહેવાયું છે કે, 526 કેસમાંથી 214 લક્ષણવાળા હતા, અને 312 દર્દીઓમાં કોરોનાના કોઈ લક્ષણ દેખાયા નથી. વધતાં કેસોની વચ્ચે રાહતની વાત એ છે કે, 24 કલાકમાં કોરોનાથી એક પણ દર્દીનું મોત થયું નથી.કોરોનાના કેસો ફરી એક વાર વધારો થયા બાદ ચીનના લોકો સતર્ક થઈ ગયા છે. તો વળી 24 કલાકમાં કોરોનાના 500થી વધારે કેસ નોંધાયા બાદ ચીનની કોવિડ નીતિને મોટા ઝટકા તરીકે જોઈ શકાય છે.

શાંઘાઈ-કવાંનડાંગમાં રેડ એલર્ટ

કોરોના ગ્રાફ ઉપર આવ્યા બાદ ચીનના વુહાન, શાંધાઈ-કવાંનડાંગ સહિત કેટલાય શહેરોમાં રેડ એલર્ટ જાહેર કરી દેવામાં આવ્યું છે. લોકોને માસ્ક લગાવવા અને કોવિડ અનુરૂપ વ્યવહાર કરવાની અપીલ કરવામાં આવી છે. 

શું કહે છે દુનિયાભરના આંકડા

દુનિયાભરમાં કોરોના સંક્રમણના કેસોમાં 44.66 કરોડને પાર થઈ ગયા છે. તો વળી મૃતકોની સંખ્યા લગભગ 60 લાખની આસપાસ પહોંચી ગઈ છે. તો વળી છેલ્લા એક મહિનામાં દુનિયાભરમાં કોરોનાના 5.22 કરોડથી વધારે કેસ સામે આવ્યા છે. જ્યારે 2.61 લાખ લોકોને આ ખતરનાક વાયરસથી જીવ ખોવાનો વારો આવ્યો છે. 

શું કહે છે ભારતની સ્થિતી

તો વળી ભારતની વાત કરીએ તો, છેલ્લા 24 કલાકમાં 4 હજાર 362 નવા કોવિડ કેસો સામે આવ્યા છે. છેલ્લા 24 કલાકમાં કોરોનાના દૈનિક આંકડામાં 20 ટકાનો ઘટાડો આવ્યા છે. દેશમાં સતત 29 દિવસથી દૈનિક કોવિડ 19 કેસ એક લાખથી ઓછા આવી રહ્યા છે. આ દરમિયાન દેશમાં છેલ્લા 24 કલાકમાં કોરોનાથી 66 લોકોના મોત થયા છે.