કેરળ દુર્ઘટના / પાયલટ પતિનો મૃતદેહ જોતાં જ ગર્ભવતી પત્નીનાં મોઢેથી નીકળ્યાં આ શબ્દો અને થઈ બેહોશ

• આ અખિલેશ નથી. આ ન બની શકે
• અખિલેશની પત્નીની 10 દિવસમાં ડિલીવરી છે 
• અખિલેશે તેને કહ્યું હતું તે ડિલીવરીના સમેય આવી જશે

મળતી માહિતી મુજબ શનિવારે રાતે જ્યારે અખિલેશના પાર્થિવ દેહને કોચીથી દિલ્હી લઈ જવામાં આવ્યો ત્યારે 200 પાયલટ અને ગ્રાઉન્ડ સ્ટાફના સભ્યો હવાઈ મથક પર એકત્રિત થઈ તેમને શ્રદ્ધાંજલી આપી હતી. આ બાદ મૃતદેહને રવિવારે સવારે માર્ગ દુર્ઘટનામાં મથુરા લાવવામાં આવ્યા હતા. તેના મૃતદેહને જોઈ પત્ની મેઘાએ માની જ શકી નહોતી તે પતિ તેમની વચ્ચે નથી રહ્યા. તે વારંવાર કહેતી રહી કે,‘આ અખિલેશ નથી. આ ન બની શકે. અખિલેશ નયતિ(હોસ્પિટલ)માં છે. જ્યાં અમારે બાળકના જન્મ માટે જવાનું છે.’

અખિલેશની પત્નીની 10 દિવસમાં ડિલીવરી છે જેથી પરિવારે તેને આ સમાચાર આપ્યા નહોતા. જો કે અખિલેશે તેને કહ્યું હતું તે ડિલીવરીના સમેય આવી જશે. તેમના જીજા વિજયે જણાવ્યું કે અખિલેશે રક્ષાબંધન પર વીડિયો કોલ પર પત્ની સાથે વાત કરી હતી અને વાયદો કર્યો હતો કે તે આવશે. પરંતુ હોનીને એ મંજૂર નહોતું.

અંતિમ સંસ્કારમાં એર ઈન્ડિયાના અધિકારીઓ હાજર રહ્યા પણ સ્થાનીક મંત્રીઓ અને જિલ્લા વહીવટીની ગેરહાજરી ખલે તેવી હતી. અખિલેશના પિતાએ  રડતા રડતા કહ્યું કે કેમની પુત્રવધૂ ગર્ભવતી છે. દિકરાની ચિતા ઠંડી થતા પહેલા તેને નોકરી મળે જેથી તે બાળકનું ભરણ પોષણ કરી શકે. તેમણે આશા વ્યક્ત કરી છે કે સરકાર તેમને મદદ કરશે. આ દરમિયાન જિલ્લા હોસ્પિટલની ટીમ મેઘાની તપાસ માટે આવી હતી.  તેમણે કહ્યું તેની તબિયત તો સારી છે પણ કે હોશ ગુમાવી રહી છે.